തൃശൂർ: അതിരപ്പിള്ളിയിൽ വീണ്ടും കാട്ടാന ആക്രമണം. ഒരാളെ ആന ചവിട്ടി കൊന്നു. വൈശേരി സ്വദേശി മോഹനൻ(65) ആണ് കൊല്ലപ്പെട്ടത്. ഇന്ന് പുലർച്ചെ 2.30 ഓടെയാണ് സംഭവം നടന്നത്.
വീട്ടുപറമ്പിൽ കൃഷി നശിപ്പിക്കുന്നതിനിടെ ആനയെ ഓടിക്കാൻ പോയപ്പോൾ ആയിരുന്നു ആക്രമണം. ആനയെ ഓടിക്കാൻ ശ്രമിക്കുന്നതിനിടെയാണ് കാട്ടാന മോഹനന് നേരെ പാഞ്ഞടുത്ത് ചവിട്ടി കൊലപ്പെടുത്തിയത്.
ഉടൻ തന്നെ നാട്ടുകാർ മോഹനനെ ആശുപത്രിയിലെത്തിച്ചിരുന്നു. പക്ഷേ ജീവൻ രക്ഷിക്കാനായില്ല. മൃതദേഹം ചാലക്കുടിയിലെ സ്വകാര്യ ആശുപത്രിയിലേക്ക് മാറ്റി.