ഇറാൻ പിന്തുണയുള്ള ഗ്രൂപ്പായ ഹിസ്ബുള്ളയുടെ ആക്രമണത്തെ തുടർന്ന് ഇസ്രയേലിൽ 48 മണിക്കൂർ അടിയന്തരാവസ്ഥ പ്രഖ്യാപിച്ചു. ലെബനനിൽ മുൻകൂർ ആക്രമണം നടത്തുകയാണെന്ന് ഇസ്രായേൽ ഇന്ന് പ്രഖ്യാപിച്ചിരുന്നു. ഹിസ്ബുള്ള വിക്ഷേപിച്ച ഇൻകമിംഗ് മിസൈലുകളും ഡ്രോണുകളും പ്രതീക്ഷിക്കണമെന്ന് പൗരന്മാർക്ക് മുന്നറിയിപ്പ് നൽകുകയും ചെയ്തിട്ടുണ്ട്.കഴിഞ്ഞ മാസം തങ്ങളുടെ കമാൻഡർ ഫുആദ് ഷുക്കറിനെ വധിച്ചതിന് പ്രതികരണമായി ഇസ്രായേലിന് നേരെ വലിയ തോതിലുള്ള റോക്കറ്റുകളും ഡ്രോണുകളും വിക്ഷേപിച്ചതായി ലെബനൻ ആസ്ഥാനമായുള്ള ഹിസ്ബുള്ള പറഞ്ഞു.
ബെയ്‌റൂട്ടിലെ ഇസ്രായേൽ ആക്രമണത്തിനും ഹമാസിൻ്റെ രാഷ്ട്രീയ നേതാവിൻ്റെ ടെഹ്‌റാനിലെ കൊലപാതകത്തിനും ഇസ്രായേൽ കുറ്റം ചുമത്തി ഗ്രൂപ്പിലെ ഒരു മുതിർന്ന കമാൻഡറെ കൊലപ്പെടുത്തിയതിനും പ്രതികരിക്കുമെന്ന് ഹിസ്ബുള്ളയും ഇറാനും പ്രതിജ്ഞയെടുത്തതിന് ശേഷം മിഡിൽ ഈസ്റ്റ് ദേശങ്ങൾ ആഴ്‌ചകളോളം പ്രതിസന്ധിയിലാണ്. ലെബനൻ ആസ്ഥാനമായുള്ള തീവ്രവാദ സംഘടനയായ ഹിസ്ബുള്ളയും ഇസ്രായേലും യുദ്ധം പ്രഖ്യാപിച്ചതിനെ തുടർന്ന് ഇരു രാജ്യങ്ങളും തങ്ങളുടെ ആയുധശേഖരം ശക്തിപ്പെടുത്തിയതായും വിവരങ്ങൾ പുറത്തു വരുന്നുണ്ട്. ഇറാൻ പിന്തുണയുള്ള ഗ്രൂപ്പായ ഹിസ്ബുള്ളയുടെ പ്രസ്താവന പ്രകാരം, ഇസ്രായേൽ സൈനിക കേന്ദ്രങ്ങൾ ലക്ഷ്യമിട്ട് നിരവധി സ്ഫോടനാത്മക ഡ്രോണുകൾ വിക്ഷേപിച്ചതായി റിപ്പോർട്ടുണ്ട്. 320-ലധികം റോക്കറ്റുകൾ ഇസ്രായേലിലേക്ക് വിക്ഷേപിച്ചതായി ഹിസ്ബുള്ള അറിയിച്ചു.
ഇതിന് മറുപടിയായി ലെബനനിൽ ഇസ്രായേൽ സൈന്യം മുൻകൂട്ടിയുള്ള ആക്രമണം ആരംഭിച്ചുവെന്നാണ് ലഭ്യമാകുന്ന വിവരം. കഴിഞ്ഞ മാസം നടന്ന തങ്ങളുടെ സൈനിക കമാൻഡർ ഫുആദ് ഷുക്കറിൻ്റെ കൊലപാതകത്തിന് പ്രതികാരം ചെയ്യുമെന്ന് ഹിസ്ബുള്ളയും അതിൻ്റെ പ്രാദേശിക സഖ്യകക്ഷിയായ ഇറാനും അറിയിച്ചിരുന്നു. ഹമാസ് നേതാവ് ഇസ്മയിൽ ഹനിയ, ഹിസ്ബുള്ള കമാൻഡർ ഫുആദ് ഷുക്കൂർ എന്നിവരുടെ വധത്തിന് പിന്നാലെ ഇസ്രയേലിനെതിരായ പ്രതിഷേധം കടുപ്പിച്ചിരുന്നു. തെഹ്റാനിലും ബെയ്റൂട്ടിലും ആയിരങ്ങൾ ഇസ്രയേല്‍ വിരുദ്ധ പ്രതിഷേധത്തിൻ്റെ ഭാഗമായി പങ്കെടുത്തിരുന്നു.