മുഖ്യമന്ത്രിയുടെ തെരഞ്ഞെടുപ്പ് പ്രചാരണം ഇന്ന് തിരുവനന്തപുരത്ത്

തിരുവനന്തപുരം: മുഖ്യമന്ത്രിയുടെ തെരഞ്ഞെടുപ്പ് പ്രചാരണം ഇന്ന് തിരുവനന്തപുരത്ത്. രാവിലെ 11 മണിക്ക് അരുവിക്കരയിൽ ആണ് ആദ്യ പൊതുയോഗം. വൈകിട്ട് ശക്തമായ ത്രികോണ മത്സരം നടക്കുന്ന നേമം, വട്ടിയൂർക്കാവ്, കഴക്കൂട്ടം മണ്ഡലങ്ങളിലും പിണറായി വിജയൻ പ്രചാരണത്തിന് എത്തും . രാവിലെ 10 മണിക്ക് എകെജി സെൻ്ററിൽ മുഖ്യമന്ത്രി മാധ്യമങ്ങളെ കാണും.

ബിജെപി-സിപിഐഎം ഡീൽ ആരോപണം ആവർത്തിച്ച രാഹുൽ ഗാന്ധിക്ക് മുഖ്യമന്ത്രി ഇന്നെന്ത് മറുപടി നൽകുമെന്നതിലാണ് ആകാംക്ഷ. എല്ലാ ചോദ്യങ്ങൾക്കും മുഖ്യമന്ത്രി മറുപടി നൽകിയില്ലെന്ന് പറഞ്ഞ് ഇന്നലെ കൊല്ലത്ത് ചില മാധ്യമ പ്രവർത്തകർ പ്രതിഷേധമുയർത്തിയിരുന്നു.