തിരുവനന്തപുരം: വട്ടിയൂർക്കാവിലെ യുഡിഎഫ് റാലിക്ക് ആളുകളെ വേണമെന്ന ആപ്പിലെ പരസ്യത്തിനെതിരെ സംസ്ഥാന പൊലീസ് മേധാവിക്കും മുഖ്യ തെരഞ്ഞെടുപ്പ് ഓഫീസർക്കും പരാതി നൽകി കെ. മുരളീധരൻ. വാർത്ത അടിസ്ഥാന രഹിതമാണെന്ന് ചൂണ്ടിക്കാട്ടിയാണ് പരാതി.
സിപിഐഎം ഗൂഢാലോചന നടത്തി കോൺഗ്രസിനെ അപകീർത്തിപ്പെടുത്താനാണ് ശ്രമമെന്നാണ് പരാതി. വാർത്ത നൽകിയ ചാനലിൽ നിന്ന് തെളിവുകൾ അടിയന്തിരമായി പിടിച്ചെടുക്കണമെന്നും വ്യാജ പരസ്യം നൽകിയവർക്കെതിരെ ക്രിമിനൽ കേസെടുത്ത് കർശനമായ നിയമ നടപടി സ്വീകരിക്കണമെന്നും പരാതിയിൽ ആവശ്യപ്പെടുന്നു. വ്യാജവാർത്തക്കെതിരെ ഹൈക്കോടതിയെ സമീപിക്കാനും യുഡിഎഫ് ആലോചിക്കുന്നുണ്ട്.