ബാഫ്റ്റയിൽ 14 നാമനിർദേശങ്ങളുമായി 'വൺ ബാറ്റിൽ ആഫ്റ്റർ അനദർ'; തൊട്ടുപിന്നാലെ 'ഹാംനെറ്റ്'

2026ലെ ബാഫ്റ്റ ഫിലിം അവാർഡ്സ് നാമനിർദേശങ്ങൾ ഔദ്യോഗികമായി പ്രഖ്യാപിച്ചു. 14 നോമിനേഷനുകളോടെ പോൾ തോമസ് ആൻഡേഴ്സൺ സംവിധാനം ചെയ്ത 'വൺ ബാറ്റിൽ ആഫ്റ്റർ അനദർ' ആണ് പട്ടികയിൽ മുന്നിൽ. ഫെബ്രുവരി 22ന് ലണ്ടനിലെ റോയൽ ഫെസ്റ്റിവൽ ഹാളിൽ നടക്കുന്ന ചടങ്ങിലാണ് പുരസ്കാരങ്ങൾ പ്രഖ്യാപിക്കുക.

റയാൻ കൂഗ്ലറിന്റെ വാംപയർ-ഹൊറർ ചിത്രം 'സിന്നേഴ്സി'ന് 13 നോമിനേഷനുകളാണ് ലഭിച്ചിരിക്കുന്നത്. ക്ലോയി ഷാവോയുടെ 'ഹാംനെറ്റും' ജോഷ് സാഫ്ദിയുടെ 'മാർട്ടി സുപ്രീമും' 11 വിഭാഗങ്ങളിലായി നാമനിർദേശം ചെയ്യപ്പെട്ടിട്ടുണ്ട്. ഇതോടെ, ക്ലോയി ഷാവോ ഏറ്റവും അധികം ബാഫ്റ്റ നോമിനേഷനുകൾ നേടുന്ന സംവിധായിക എന്ന റെക്കോർഡും സ്വന്തമാക്കി. 'ഫ്രാൻകെൻസ്റ്റൈൻ', 'സെന്റിമെന്റൽ വാല്യൂ' എന്നീ ചിത്രങ്ങൾ എട്ട് വീതം നോമിനേഷനുകളാണ് നേടിയത്.

2026ലെ ബാഫ്റ്റ ഫിലിം അവാർഡ്സ് നാമനിർദേശങ്ങൾ

മികച്ച ചിത്രം

ഹാംനെറ്റ്

മാർട്ടി സുപ്രീം

വൺ ബാറ്റിൽ ആഫ്റ്റർ അനദർ

സെന്റിമെന്റൽ വാല്യൂ

സിന്നേഴ്സ്

മികച്ച സംവിധായകൻ

യോർഗോസ് ലാന്തിമോസ് (ബുഗോണിയ)

ക്ലോയി ഷാവോ (ഹാംനെറ്റ്)

ജോഷ് സാഫ്ഡി (മാർട്ടി സുപ്രീം)

പോൾ തോമസ് ആൻഡേഴ്സൺ (വൺ ബാറ്റിൽ ആഫ്റ്റർ അനദർ)

ജോക്കിം ട്രയർ (സെന്റിമെന്റൽ വാല്യൂ)

റയാൻ കൂഗ്ലർ (സിന്നേഴ്സ്)

മികച്ച നടൻ

റോബർട്ട് അരാമയോ (ഐ സ്വയർ)

തിമോത്തി ഷാലമേ (മാർട്ടി സുപ്രീം)

ലിയോനാർഡോ ഡികാപ്രിയോ (വൺ ബാറ്റിൽ ആഫ്റ്റർ അനദർ)

ഈഥൻ ഹോക്ക് (ബ്ലൂ മൂൺ)

മൈക്കൽ ബി. ജോർദാൻ (സിന്നേഴ്സ്)

ജെസ്സി പ്ലെമൺസ് (ബുഗോണിയ)

മികച്ച നടി

ജെസ്സി ബക്ലി (ഹാംനെറ്റ്)

റോസ് ബേൺ (ഇഫ് ഐ ഹാഡ് ലെഗ്സ് എ വുഡ് കിക്ക് യു)

കേറ്റ് ഹഡ്സൺ (സോങ് സങ് ബ്ലൂ)

ചേസ് ഇൻഫിനിറ്റി (വൺ ബാറ്റിൽ ആഫ്റ്റർ അനദർ)

റെനേറ്റ് റെയിൻസ്വെ (സെന്റിമെന്റൽ വാല്യൂ)

എമ്മ സ്റ്റോൺ (ബുഗോണിയ)

ഇംഗ്ലീഷ് ഇതര ഭാഷാ ചിത്രം

ഇറ്റ് വാസ് ജസ്റ്റ് ആൻ ആക്സിഡന്റ്

ദ സീക്രട്ട് ഏജന്റ്

സെന്റിമെന്റൽ വാല്യൂ

സിറാത്ത്

ദ വോയിസ് ഓഫ് ഹിന്ദ് ഹിജാബ്

മികച്ച സഹനടൻ

ബെനിസിയോ ഡെൽ ടോറോ (വൺ ബാറ്റിൽ ആഫ്റ്റർ അനദർ)

ജേക്കബ് എലോർഡി (ഫ്രാൻകെൻസ്റ്റൈൻ)

പോൾ മെസ്കൽ (ഹാംനെറ്റ്)

പീറ്റർ മുള്ളൻ (ഐ സ്വയർ)

സീൻ പെൻ (വൺ ബാറ്റിൽ ആഫ്റ്റർ അനദർ)

സ്റ്റെല്ലൻ സ്കാർസ്ഗാർഡ് (സെന്റിമെന്റൽ വാല്യൂ)

മികച്ച സഹനടി

ഒഡേസ്സ അസിയോൺ (മാർട്ടി സുപ്രീം)

ഇംഗ ഇബ്സ്‌ഡോട്ടർ ലിലിയാസ് (സെന്റിമെന്റൽ വാല്യൂ)

വുൻമി മൊസാകു (സിന്നേഴ്സ്)

കെയറി മുള്ളിഗൻ (ദ ബല്ലാഡ് ഓഫ് വാല്ലിസ് ഐലൻഡ്)

തെയ്യാന ടെയ്‌ലർ (വൺ ബാറ്റിൽ ആഫ്റ്റർ അനദർ)

എമിലി വാട്സൺ (ഹാംനെറ്റ്)

കുട്ടികളുടെയും കുടുംബചിത്രങ്ങളുടെയും വിഭാഗത്തിൽ ഫർഹാൻ അക്തറും റിതേഷ് സിദ്ധ്വാനിയും ചേർന്ന് എക്സൽ എന്റർടെയ്‌ൻമെന്റിന്റെ ബാനറിൽ നിർമിച്ച 'ബൂംഗ്' നാമനിർദേശം ചെയ്യപ്പെട്ടിട്ടുണ്ട് എന്നത് ശ്രദ്ധേയമാണ്. 'ആർകോ', 'ലിലൊ & സ്റ്റിച്ച്', 'സൂട്രോപൊളിസ് 2' എന്നീ ചിത്രങ്ങളാണ് ഈ വിഭാഗത്തിൽ നോമിനേഷൻ നേടിയ മറ്റ് ചിത്രങ്ങൾ.