വെള്ളിമല എന്ന മലയോര ഗ്രാമത്തിന്റെ വിശ്വാസങ്ങളും അന്ധവിശ്വാസങ്ങളും പിന്നെ ചില ദുരൂഹതകളും കോർത്തിണക്കിയ 'കൂടോത്രം' എന്ന സിനിമയുടെ ഒഫീഷ്യൽ ട്രെയ്ലർ പുറത്തുവിട്ടു. കൊച്ചി ലുലു മാളിൽ ചലച്ചിത്ര പ്രവർത്തകരും, അഭിനേതാക്കളും, അണിയറ പ്രവർത്തകരും പങ്കെടുത്ത ചടങ്ങിലായിരുന്നു ട്രെയ്ലർ പ്രകാശനവും മ്യൂസിക്ക് ലോഞ്ചും. നടൻ ബൈജു എഴുപുന്ന സംവിധാനം ചെയ്യുന്ന ചിത്രം ഫെബ്രുവരി 12നാണ് റിലീസ് ചെയ്യുന്നത്.
സന്തോഷ് ഇടുക്കിയാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. സാന്ജോ പ്രൊഡക്ഷന്സിന്റെ ബാനറില് നിര്മിച്ചിരിക്കുന്ന ചിത്രത്തിന്റെ എക്സിക്യൂട്ടീവ് പ്രൊഡ്യൂസര് റെജി ജോര്ജ് കൊന്നതറയില് ആണ്. മലയാളത്തിലെ പ്രമുഖ താരങ്ങളാണ് ഈ ചിത്രത്തില് അണിനിരക്കുന്നത്.
ഡിനോയ് പൗലോസ്, റേച്ചല് ഡേവിഡ്, ശ്രീനാഥ് മകന്തി, അലന്സിയര്, സായ്കുമാര്, സലിം കുമാര്, ജോയ് മാത്യു, ശ്രീജിത്ത് രവി, സുധി കോപ്പ, സുനില് സുഖദ, കോട്ടയം രമേഷ്, മനോഹരി ജോയ്, വീണ നായര്, ചിത്ര നായര്, ഷൈനി സാറ, ദിയ, ബിനു തൃക്കാക്കര, പ്രമോദ് വെളിയനാട്, ജോജി ജോണ്, സണ്ണി പി.എന്, വേദ് ലക്ഷ്മി , ഫുക്രു, ജോബിന് ദാസ് , ടോം സ്കോട്ട്, സാജു കൊടിയന്, അംജിത് മൂസ തുടങ്ങിയ വലിയൊരു താരനിര തന്നെ ചിത്രത്തിലുണ്ട്.
ഗോപി സുന്ദറാണ് ചിത്രത്തിന്റെ സംഗീത സംവിധാനം നിര്വഹിച്ചിരിക്കുന്നത്. ജിസ്ബിന് സെബാസ്റ്റ്യന്, ഷിജി ജയദേവന് എന്നിവര് ഛായാഗ്രഹണവും ഗ്രെയ്സണ് എസിഎ എഡിറ്റിങ്ങും കൈകാര്യം ചെയ്യുന്നു. ഫിനിക്സ് പ്രഭു ഒരുക്കുന്ന ആക്ഷന് രംഗങ്ങള് ചിത്രത്തിന് കൂടുതല് കരുത്ത് പകരും. പ്രൊഡക്ഷൻ കൺട്രോളർ - ബിജു കടവൂർ, പിആർഒ - വാഴൂർ ജോസ്.