എങ്ങും 'എക്കോ'; മികച്ച അഭിപ്രായം, ഒരാഴ്ച കൊണ്ട് 18.5 കോടി രൂപ കളക്ഷൻ

ദിൻജിത്ത് അയ്യത്താൻ സംവിധാനം ചെയ്ത ചിത്രം ബാഹുൽ രമേശ് ആണ് എഴുതിയിരിക്കുന്നത്
'എക്കോ'  സിനിമ
'എക്കോ' സിനിമSource: Facebook
Published on
Updated on

കൊച്ചി: ബോക്സ്ഓഫീസിൽ മികച്ച മുന്നേറ്റം തുടർന്ന് 'എക്കോ'. ഈ മാസം 21ന് റിലീസ് ചെയ്ത ചിത്രം ഏഴ് ദിവസം കൊണ്ട് ആഗോളതലത്തിൽ നേടിയത് 18.5 കോടി രൂപയാണ്. 'കിഷ്കിന്ധാ കാണ്ഡ'ത്തിന് ശേഷം സംവിധായകൻ ദിൻജിത്ത് അയ്യത്താനും തിരക്കഥാകൃത്ത് ബാഹുൽ രമേശും ഒന്നിച്ച ചിത്രമാണ് 'എക്കോ'.

ഇന്ത്യയിൽ നിന്ന് 11.66 കോടി രൂപയാണ് 'എക്കോ' കളക്ട് ചെയ്തത്. വിദേശ രാജ്യങ്ങളിൽ നിന്ന് 6.15 കോടി രൂപയും.

ബോക്സ്ഓഫീസ് കളക്ഷൻ ട്രാക്കർമാരായ സാക്‌നിൽക്കിന്റെ റിപ്പോർട്ട് പ്രകാരം, ആദ്യ ദിനത്തിൽ നിന്ന് ക്രമാനുഗതമായി 'എക്കോ' കളക്ഷൻ ഉയർത്തുക ആയിരുന്നു. 80 ലക്ഷം രൂപ ആണ് സിനിമ ആദ്യ ദിനം ഇന്ത്യൻ ബോക്സ് ഓഫീസിൽ നിന്ന് കളക്ട് ചെയ്തത്. രണ്ടാം ദിവസം ഇത് 1.85 കോടി രൂപ ആയി ഉയർന്നു. റിലീസ് ആയി ഒരാഴ്ച പിന്നിടുമ്പോൾ 11.66 കോടി രൂപയാണ് ഇന്ത്യയിൽ നിന്ന് മാത്രം സിനിമ സ്വന്തമാക്കിയിരിക്കുന്നത്. മികച്ച പ്രേക്ഷക നിരൂപക പ്രശംസ ലഭിക്കുന്നതിനാൽ സിനിമയുടെ കളക്ഷൻ വരും ദിവസങ്ങളിൽ ഉയരാനാണ് സാധ്യത.

'എക്കോ'  സിനിമ
'അവിഹിതം' പിടിക്കാനിറങ്ങിയ ആണ്‍കൂട്ടം | MOVIE REVIEW

ആരാധ്യ സ്റ്റുഡിയോസിന്റെ ബാനറിൽ എം.ആർ.കെ. ജയറാം നിർമിക്കുന്ന 'എക്കോ'യിൽ സന്ദീപ് പ്രദീപ്, വിനീത്, നരേൻ,അശോകൻ, ബിനു പപ്പു, സഹീർ മുഹമ്മദ്, ബിയാന മോമിൻ, സീ ഫൈ, രഞ്ജിത് ശങ്കർ, ശ്രീലക്ഷ്മി എന്നിവരാണ് പ്രധാന കഥാപാത്രങ്ങളിലെത്തുന്നത്.സന്ദീപ് പ്രദീപ് കരിയർ ബെസ്റ്റ് പ്രകടനം നൽകുന്ന 'എക്കോ'യിൽ വലുതും ചെറുതുമായ കഥാപാത്രങ്ങളെ അവതരിപ്പിച്ച താരങ്ങൾ ഓരോരുത്തരും ഗംഭീര പ്രകടനമാണ് ചിത്രത്തിൽ കാഴ്ചവച്ചിരിക്കുന്നത്. മുജീബ് മജീദിന്റെ സംഗീത സംഗീതം, സൂരജ് ഇ.എസിന്റെ എഡിറ്റിങ് സജീഷ് താമരശേരിയുടെ കലാസംവിധാനവും വിഷ്ണു ഗോവിന്ദിന്റെ ഓഡിയോയോഗ്രാഫിയും ചിത്രത്തിന് മുതൽക്കൂട്ടാകുന്നു.

'എക്കോ'  സിനിമ
"ഇദ്ദേഹമാണ് എനിക്ക് 'മമ്മൂട്ടി' എന്ന് പേരിട്ടത്"; സുഹൃത്തിനെ മലയാളികൾക്ക് പരിചയപ്പെടുത്തി നടൻ

പ്രൊഡക്ഷൻ കൺട്രോളർ: ഷാഫി ചെമ്മാട്, മേക്കപ്പ്: റഷീദ് അഹമ്മദ്, കോസ്റ്റ്യൂം ഡിസൈൻ: സുജിത്ത് സുധാകരൻ, പ്രോജക്റ്റ് ഡിസൈനർ: സന്ദീപ് ശശിധരൻ, ഡിഐ: കളർ പ്ലാനറ്റ് സ്റ്റുഡിയോസ്, കളറിസ്റ്റ്: ശ്രീക് വാര്യർ, ടീസർ കട്ട്: മഹേഷ് ഭുവനേന്ദ്, ചീഫ് അസോസിയേറ്റ് ഡയറക്ടർ: സാഗർ, വിഎഫ്എക്സ്: ഐവിഎഫ്എക്സ്, സ്റ്റിൽസ്: റിൻസൺ എം ബി, സബ്ടൈറ്റിൽസ്: വിവേക് രഞ്ജിത്, വിതരണം: ഐക്കൺ സിനിമാസ്, പബ്ലിസിറ്റി ഡിസൈൻസ്: യെല്ലോ ടൂത്ത്സ്, വിഷ്വൽ പ്രൊമോഷൻസ്: സ്നേക്ക്പ്ലാന്റ്, പി.ആർ.ഓ. പ്രതീഷ് ശേഖർ.

Related Stories

No stories found.
News Malayalam 24x7
newsmalayalam.com