എന്താ മോനെ, മാത്യൂ ഇല്ലാതെ 'ജയിലർ 2' വരുമെന്ന് കരുതിയോ? രജനിക്കൊപ്പം വീണ്ടും മോഹൻലാൽ, വമ്പൻ അപ്ഡേറ്റ് പുറത്ത്

മോഹൻലാലിന് പുറമേ വിജയ് സേതുപതിയും ഒരു പ്രധാന വേഷത്തിൽ 'ജയിലർ 2'ൽ ഉണ്ടാകും
'ജയിലർ' സിനിമയിൽ മോഹൻലാൽ
'ജയിലർ' സിനിമയിൽ മോഹൻലാൽSource: X
Published on
Updated on

കൊച്ചി: നെൽസൺ ദിലീപ് കുമാർ-രജനികാന്ത് ചിത്രം 'ജയിലർ 2' ന്റെ ചിത്രീകരണം പുരോഗമിക്കുകയാണ്. ജയിലർ ആദ്യ ഭാഗത്തിൽ എന്ന പോലെ മോഹൻലാലിന്റെ കാമിയോ ഈ സിനിമയിലും ഉണ്ടാകുമോ എന്ന ചോദ്യം വളരെക്കാലമായി സോഷ്യൽ മീഡിയയിൽ പ്രചരിക്കുന്നു. ഇപ്പോഴിതാ ആ വമ്പൻ അപ്ഡേറ്റ് എത്തിയിരിക്കുകയാണ്.

ജയിലറിൽ വിനായകൻ, രമ്യ കൃഷ്ണൻ, വസന്ത്, സുനിൽ, തമന്ന, വിടിവി ഗണേഷ് എന്നിവർക്കൊപ്പം മോഹൻലാലും കന്നഡ സൂപ്പർ താരം ശിവരാജ് കുമാറും ബോളിവുഡ് താരം ജാക്കി ഷ്രോഫും അതിഥി വേഷങ്ങളിൽ എത്തിയിരുന്നു. മാത്യൂ എന്ന മുംബൈ ഗ്യാങ്സ്റ്ററിന്റെ റോളിലാണ് മോഹൻലാൽ എത്തിയത്. സ്റ്റൈലും മാസും ചേർന്ന ഈ കഥാപാത്രം ആരാധകരെ ആവേശത്തിലാക്കിയിരുന്നു. 'ജയിലർ 2'ലും മോഹൻലാലിന്റെ ഈ കഥാപാത്രം ഉണ്ടാകുമെന്നാണ് ഇപ്പോൾ പുറത്തുവരുന്ന റിപ്പോർട്ട്. ഡിസംബർ 21,22,23 തീയതികളിലാണ് മോഹൻലാൽ ജയിലറിൽ ജോയിൻ ചെയ്യുന്നത് എന്നാണ് സൂചന. ഗോവയിൽ വച്ചാകും മോഹൻലാൽ കൂടി ഭാഗമാകുന്ന ഷെഡ്യൂൾ ഷൂട്ട് ചെയ്യുക. ഏറെ പ്രതീക്ഷയോടെയാണ് ഈ കഥാപാത്രത്തിനായി മോഹൻലാൽ ആരാധകർ കാത്തിരിക്കുന്നത്.

'ജയിലർ' സിനിമയിൽ മോഹൻലാൽ
'കളങ്കാവൽ' സയനൈഡ് മോഹന്റെ കഥയോ ? 21 നായികമാരുണ്ടോ? മറുപടിയുമായി മമ്മൂട്ടി

മോഹൻലാലിനെ കൂടാതെ 'ജയിലർ 2'ൽ ഒരു പ്രധാന വേഷത്തിൽ വിജയ് സേതുപതിയും എത്തുമെന്നാണ് റിപ്പോർട്ട്. വിജയ് സേതുപതിയുടെ രംഗങ്ങളുടെ ഷൂട്ട് ഗോവയിൽ പുരോഗമിക്കുകയാണെന്നാണ് സിനിമയുമായി അടുത്ത വൃത്തങ്ങൾ സൂചിപ്പിക്കുന്നത്. 'പേട്ട' എന്ന കാർത്തിക് സുബ്ബരാജ് ചിത്രത്തിനു ശേഷം വിജയ് സേതുപതിയും രജനികാന്തും ഒന്നിക്കുന്ന ചിത്രമാണിത്.

ആദ്യ ഭാഗം പോലെ ഒരു മൾട്ടി സ്റ്റാറർ ചിത്രമായാണ് 'ജയിലർ ടൂ'വും നെൽസൺ അണിയിച്ചൊരുക്കുന്നത്. മോഹൻലാൽ, വിജയ് സേതുപതി എന്നിവർക്ക് പുറമേ മിഥുൻ ചക്രവർത്തി, വിദ്യാ ബാലൻ എന്നിവരും ചിത്രത്തിൽ ഉണ്ടാകുമെന്നാണ് സൂചന. എന്നാൽ, ഔദ്യോഗികമായി സിനിമയുടെ അണിയറപ്രവർത്തകർ കാസ്റ്റിനെ സംബന്ധിക്കുന്ന വിവരങ്ങൾ പുറത്തുവിട്ടിട്ടില്ല.

Related Stories

No stories found.
News Malayalam 24x7
newsmalayalam.com