ഷീലം എം സ്വാമി, സാത്വിക റാവു എന്നിവരെ പ്രധാന കഥാപാത്രങ്ങളാക്കി സുനി ഒരുക്കിയ കന്നഡ ചിത്രം 'മേഘ മൗനം' ജൂൺ 26 ന് തീയേറ്ററുകളിലെത്തും. ചിത്രം കേരളത്തിലെ തീയേറ്ററുകളിൽ പ്രദർശനത്തിന് എത്തിക്കുന്നത് ദുൽഖർ സൽമാന്റെ വേഫറെർ ഫിലിംസാണ്. മൈസൂരു രമേശ്, സുനി സിനിമാസ്, റാം മൂവീസ്, ശ്രീ രംഗരാജു, ലോകേഷ് ബെലവാടി, രമേശ് ഗോവ എന്നിവർ ചേർന്ന് നിർമ്മിച്ച ചിത്രം അവതരിപ്പിക്കുന്നത് കെവിഎൻ പ്രൊഡക്ഷൻസ് ആണ്. സംവിധായകൻ സുനിയുടെ അസ്സോസിയേറ്റ് ആയി ജോലി ചെയ്തിരുന്ന ഷീലം എം സ്വാമിയുടെ നടനായുള്ള അരങ്ങേറ്റ ചിത്രം കൂടിയാണിത്. ഓപ്പറേഷൻ അലമേലമ്മ, ചമക്, ബാസാർ, സാകേത്, അവതാര പുരുഷ, ഗറ്റവൈഭവ, ബഹുപറക്, സിമ്പിൾ ആകി ഇന്നോട് ലവ് സ്റ്റോറി, സിമ്പിൾ ആകി ഒന്തു ലവ് സ്റ്റോറി എന്നീ ചിത്രങ്ങളിലൂടെ ശ്രദ്ധ നേടിയ സംവിധായകൻ ആണ് സുനി.
മോക്ഷ കുശാൽ, റിഷി, രേഖ എസ് പ്രസാദ്, ധനഞ്ജയ ഡിഡഗ എന്നിവരാണ് ചിത്രത്തിലെ മറ്റു താരങ്ങൾ. റൊമാൻ്റിക് ത്രില്ലർ ആയി കഥ പറയുന്ന ചിത്രം, സസ്പെൻസ്, പ്രണയം, കോമഡി, ട്വിസ്റ്റുകൾ എന്നിവ കോർത്തിണക്കിയാണ് ഒരുക്കിയിരിക്കുന്നത്. ഒരു മനോഹരമായ റിസോർട്ടിൽ എത്തിച്ചേരുന്ന രണ്ട് ദമ്പതിമാരുടെ ജീവിതത്തിൽ സംഭവിക്കുന്ന കാര്യങ്ങൾക്ക് ചുറ്റുമാണ് ചിത്രം വികസിക്കുന്നത്.
ഛായാഗ്രഹണം - സന്തോഷ് റായ് പത്തജേ, സംഗീതം- ജൂദ സാൻഡി, ആദി കൃഷ്ണ- എഡിറ്റർ, മ്യൂസിക് സൂപ്പർവൈസർ- സാമുവൽ അബി, നൃത്ത സംവിധാനം- മധു ശിവണ്ണ, പ്രൊഡക്ഷൻ ഡിസൈനർ- മഞ്ജു ജെ ഹോസപ്പെട്ട, അശ്വിൻ രമേശ് , വരികൾ - നിർമ്മൽ എം ആർ, രഞ്ജിത്ത് രമേശ്, സന്ധൂപ് നാരായണൻ, ആലാപനം - വിപിൻ സേവ്യർ, ഏയ്ഞ്ചൽ മേരി ജോസഫ്