ചരിത്രത്തിൽ ആദ്യമായി ഒരു മലയാള സിനിമ ഞായറാഴ്ച റിലീസ് ചെയ്യുന്നു; ശ്രീനാഥ് ഭാസിയുടെ 'പൊങ്കാല' ഡിസംബർ അഞ്ചിന്

എ.ബി. ബിനിൽ ആണ് 'പൊങ്കാല' സംവിധാനം ചെയ്തത്
ശ്രീനാഥ് ഭാസിയുടെ 'പൊങ്കാല'
ശ്രീനാഥ് ഭാസിയുടെ 'പൊങ്കാല'Source: News Malayalam 24x7
Published on
Updated on

കൊച്ചി: ഡിസംബർ അഞ്ചിന് റിലീസ് പ്രഖ്യാപിച്ചിരുന്ന ശ്രീനാഥ് ഭാസി ചിത്രം 'പൊങ്കാല' നവംബർ 30 ഞായറാഴ്ച പ്രദർശനത്തിനെത്തുന്നു. മലയാള സിനിമയുടെ ചരിത്രത്തിൽ തന്നെ ആദ്യമായാണ് ഒരു സിനിമ ഞായറാഴ്ച റിലീസിന് എത്തുന്നത്. എ.ബി. ബിനിൽ തിരക്കഥ രചിച്ച് സംവിധാനം ചെയ്യുന്ന ഈ ചിത്രം ഗ്ലോബൽ പിക്‌‌ച്ചേഴ്സ് എന്റർടൈൻമെന്റിന്റെ ബാനറിൽ ദീപു ബോസ്, അനിൽ പിള്ള, എന്നിവരാണ് നിർമിക്കുന്നത്. കോ - പ്രൊഡ്യൂസർ റോണാ തോമസ്.

ഹാർബറിന്റെ പശ്ചാത്തലത്തിൽ സാമൂഹികവും രാഷ്ട്രീയവുമായ അടിത്തറയിൽ രൂപപ്പെട്ട കഥയാണ് 'പൊങ്കാല' പറയുന്നത്. രണ്ടു പ്രബല ഗ്രൂപ്പുകളുടെ കിടമത്സരത്തിന്റെ കഥ ആക്ഷൻ കോമഡി ത്രില്ലർ ഴോണറിലാണ് ഒരുക്കിയിരിക്കുന്നത്. ചിത്രത്തിന്റെ ഷൂട്ടിങ് വൈപ്പിൻ ചെറായി ഭാഗങ്ങളിലായിരുന്നു.

വൈപ്പിൻ മുനമ്പം തീരദേശത്ത് നടന്ന ഒരു സംഭവ കഥയെ ആസ്പദമാക്കിയതാണ് സിനിമ ചിത്രീകരിച്ചിരിക്കുന്നത്. ശ്രീനാഥ് ഭാസി തികഞ്ഞ ആക്ഷൻ ഹീറോ ആയി എത്തുന്ന ആദ്യ ചിത്രം കൂടിയാണ് 'പൊങ്കാല'. എട്ട് മികച്ച ആക്ഷൻ സീക്വൻസുകളാണ് ദക്ഷിണേന്ത്യയിലെ ഏറ്റവും മികച്ച ആക്ഷൻ കൊറിയോഗ്രാഫേഴ്സ് ഈ ചിത്രത്തിനു വേണ്ടി ഒരുക്കിയിരിക്കുന്നത്. ഇതോടൊപ്പം ജീവിതഗന്ധിയായ മുഹൂർത്തങ്ങളും ഈ ചിത്രത്തെ ഏറെ ആകർഷകമാക്കുന്നു.

ശ്രീനാഥ് ഭാസിയുടെ 'പൊങ്കാല'
"റേറ്റ് എത്രയാണെന്ന് ഒരാൾ ചോദിച്ചു"; സോഷ്യൽ മീഡിയയിൽ മോശം സന്ദേശങ്ങൾ ലഭിക്കുന്നതായി ഗിരിജാ ഓക്ക്

ഗാനങ്ങൾക്ക് ഏറെ പ്രാധാന്യമുള്ള ഈ ചിത്രത്തിനായി നാല് പാട്ടുകളാണ് രഞ്ജിൻ രാജ് ഒരുക്കിയിരിക്കുന്നത്. മിൻമിനി അടക്കം പ്രശസ്തരായ ഗായകർക്കൊപ്പം സമൂഹമാധ്യമങ്ങളിൽ തിളങ്ങി നിൽക്കുന്ന ഹനാൻ ഷായും ഈ ചിത്രത്തിനു വേണ്ടി പാടിയിട്ടുണ്ട്. ഹനാൻ ഷാ പാടിയ ഗാനം സമൂഹ മാധ്യമങ്ങളിൽ വലിയ തരംഗമാണ് സൃഷ്ടിച്ചിരിക്കുന്നത്. ബി.കെ. ഹരിനാരായണനും റഫീഖ് അഹമ്മദുമാണ് ഗാനങ്ങൾ രചിച്ചിരിക്കുന്നത്.

ബാബുരാജ്, അലൻസിയർ, സുധീർ കരമന, കിച്ചു ടെല്ലസ്, സോഹൻ സീനുലാൽ, സാദിഖ്, മാർട്ടിൻ മുരുകൻ, സൂര്യാ കൃഷ് , ഇന്ദ്രജിത് ജഗജിത്, സമ്പത്ത് റാം, രേണു സുന്ദർ, ശാന്തകുമാരി, സ്മിനു സിജോ, എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. യാമി സോനയാണ് നായിക.

സ്റ്റിൽസ്- ജിജേഷ് വാടി, ഛായാഗ്രഹണം ജാക്സൺ ജോൺസൺ, എഡിറ്റിങ് - അജാസ്, പ്രൊഡക്ഷൻ കൺട്രോളർ - സെവൻ ആർട്സ് മോഹൻ, പിആർഒ - വാഴൂർ ജോസ്.

Related Stories

No stories found.
News Malayalam 24x7
newsmalayalam.com