വാൻകൂവർ: ഏറെ നേരം പിന്നിലായിപ്പോയ മത്സരത്തിൽ ഞെട്ടിക്കുന്ന തിരിച്ചടുവരവുമായി ഈജിപ്ത്. ഗ്രൂപ്പ് ജിയിൽ നടന്ന മത്സരത്തിൽ ന്യൂസീലൻഡിനെ ഒന്നിനെതിരേ മൂന്നു ഗോളുകൾക്ക് ന്യൂസിലൻഡിനെ തകർത്താണ് ഈജിപ്ത് ലോകകപ്പിലെ ആദ്യം ജയം നേടിയത്. 57 മിനിറ്റ് സമയം ഒരുഗോളിന് പിറകിലായിരുന്നിട്ടും ഈജിപ്ത് തിരിച്ചടിച്ച് കയറുകയായിരുന്നു.
കളിതുടങ്ങി പതിനഞ്ചാം മിനിറ്റിൽ ഫിൻ സർമാന്റെ ഗോളിലൂടെ ന്യൂസിലാൻഡ് ലീഡ് എടുത്തു. അമ്പത്തിയെട്ടാം മിനിറ്റിലാണ് ഈജിപ്ത് ആദ്യ ഗോൾ നേടിയത്. അറുപത്തിയേഴാം മിനിറ്റിൽ ക്യാപ്റ്റൻ മുഹമ്മദ് സലയിലൂടെ ഈജിപ്ത് കളി തിരിച്ചുപിടിച്ചു. മുസ്തഫ സിക്കോയും മുഹമ്മദ് സലായും മഹ്മൂദ് ട്രെസെഗെയുമാണ് ഈജിപ്തിനായി ന്യൂസിലൻഡിന്റെ വല കുലുക്കിയത്. ബെൽജിയം ഇന്നലെ സമനിലയിൽ കുരുങ്ങിയതോടെ ഗ്രൂപ്പ് ജിയിൽ ഒന്നാമതാണ് ഇപ്പോൾ ഈജിപ്ത്.