താമരശ്ശേരി താലൂക്ക് ആശുപത്രിയിൽ വനിതാ ജീവനക്കാരെ മർദിച്ച് യുവാവ്

കോഴിക്കോട് താമരശ്ശേരി താലൂക്ക് ആശുപത്രിയിലെ വനിതാ സെക്യൂരിറ്റിമാരെ മർദിച്ച് യുവാവ്. വനിതാ ജീവനക്കാരായ മിനി,ലാലി എന്നിവരുടെ മുഖത്തും കൈകളിലും മർദനത്തിൽ പരുക്കേറ്റു.

എടക്കര സ്വദേശിയായ യുവാവാണ് ഇവരെ മർദിച്ചത്. രാത്രി എട്ടു മണിയോടെയാണ് സംഭവം. രാത്രി പ്രവേശനമില്ലാത്ത വനിതാ വാർഡിലേക്ക് പോകണം എന്നാവശ്യപ്പെട്ടായിരുന്നു മർദനം. ഇയാളുടെ ബന്ധുവായ സ്ത്രീ ഇവിടെ ചികിത്സയിൽ കഴിയുന്നുണ്ട്. എട്ട് മണിക്ക് ശേഷം ഇവിടെ പുരുഷന്മാർക്ക് പ്രവേശനമില്ല. ഇവിടേക്ക് പോകണം എന്നാവശ്യപ്പെട്ട് ഇയാൾ നിർബന്ധം പിടിക്കുകയും തടഞ്ഞ ജീവനക്കാരെ മർദിക്കുകയുമായിരുന്നു.

Also Read: ഹേമ കമ്മിറ്റി റിപ്പോർട്ട്: പുറത്തുവിടുന്നത് സംബന്ധിച്ച ഹൈക്കോടതി വിധി ഇന്ന്

സംഭവത്തിന് ശേഷം ഇയാൾ മതിൽ ചാടി ഓടി രക്ഷപെട്ടു. മർദനമേറ്റ വനിതാ ജീവനക്കാർ ആശുപത്രിയിൽ ചികിത്സയിലാണ്. സംഭവത്തെ തുടർന്ന് താമരശ്ശേരി പൊലീസ് സ്ഥലത്തെത്തി കേസെടുത്തു.

Also Read: "ഒരു രാക്ഷസി ഇല്ലാതായിരിക്കുന്നു"; ഷെയ്ഖ് ഹസീനയുടെ രാജിയിൽ വിദ്യാർഥികളെ പ്രശംസിച്ച് മുഹമ്മദ് യൂനസ്