മലപ്പുറം: തിരൂരിൽ യുവാവ് കുത്തേറ്റ് മരിച്ചു. കാട്ടിലപ്പള്ളി സ്വദേശി തുഫൈൽ ആണ് കൊല്ലപ്പെട്ടത്. വാടിക്കലിൽ വച്ചു വൈകീട്ട് 5 മണിയോടെയായിരുന്നു ആക്രമണം ഉണ്ടായത്. മുൻ വൈരാഗ്യമാണ് കൊലപാതകത്തിന് കാരണമെന്നാണ് സൂചന.
നാല് പേർ ചേർന്നാണ് അക്രമിച്ചതന്ന് പ്രാഥമിക വിവരം. പൊലീസ് സ്ഥലത്തെത്തി മൃതദേഹം തിരൂർ ജില്ലാ ആശുപത്രി മോർച്ചറിയിലേക്ക് മാറ്റി. സംഭവത്തിൽ അന്വേഷണം ആരംഭിച്ചു.