മലപ്പുറം: യൂട്യൂബർ ബലാത്സംഗം ചെയ്യാൻ ശ്രമിച്ചതായി ബിജെപി വനിതാ നേതാവിൻ്റെ പരാതി. മലപ്പുറം വണ്ടൂരിൽ നിന്ന് യൂട്യൂബറായ കൂരാട് സ്വദേശി സുബൈർ ബാപ്പുവിനെ പൊലീസ് അറസ്റ്റ് ചെയ്തു.
ഈ മാസം 10ന് വൈകുന്നേരം വീട്ടിലെത്തി സുബൈർ ബാപ്പു ബലാത്സംഗം ചെയ്യാൻ ശ്രമിച്ചെന്നാണ് പരാതി. പിന്നീട് നിരന്തരം ഫോണിൽ വിളിച്ച് ഇക്കാര്യം പറഞ്ഞു ശല്യം ചെയ്തതായും സമൂഹ മാധ്യമങ്ങളിലൂടെ അപമാനിച്ചെന്നും ബിജെപി വനിതാ നേതാവിന്റെ പരാതിയിലുണ്ട്.