കോഴിക്കോട്: കോർപ്പറേഷനിൽ ചരിത്രമെഴുതി ബിജെപി. നികുതികാര്യ സ്ഥിരം സമിതി അധ്യക്ഷ സ്ഥാനം ബിജെപിക്ക് ലഭിച്ചു. നറുക്കെടുപ്പിലൂടെയാണ് ബിജെപി കൗൺസിലർ വിനീത സജീവൻ തിരഞ്ഞെടുക്കപ്പെട്ടത്. എൽഡിഎഫ് അംഗം നറുക്കെടുപ്പിൽ നിന്നും വിട്ടുനിന്നു.
ഒൻപത് അംഗ സമിതിയിൽ നാല് യുഡിഎഫ്, നാല് ബിജെപി, ഒരു എൽഡിഎഫ് എന്നിങ്ങനെ കൗൺസിലർമാരാണ് ഉണ്ടായിരുന്നത്. ആകെ എട്ട് സ്ഥിരസമിതി അധ്യക്ഷന്മാരിൽ ആറെണ്ണം എൽഡിഎഫിനും ഓരോന്ന് വീതം യുഡിഎഫിനും ബിജെപി ക്കും ലഭിച്ചു. പത്ത് വർഷത്തിന് ശേഷമാണ് ക്ഷേമകാര്യ സമിതി യുഡിഎഫ് പിടിച്ചെടുത്തത്.