കോഴിക്കോട്: മത്സ്യബന്ധനത്തിനിടെ ബോട്ടിന്റെ എൻജിനിൽ നിന്നുള്ള പുക ശ്വസിച്ച് മത്സ്യത്തൊഴിലാളികൾക്ക് ദേഹാസ്വാസ്ഥ്യം. നാല് മത്സ്യത്തൊഴിലാളികൾക്കാണ് ദേഹാസ്വാസ്ഥ്യം ഉണ്ടായത്. മൂന്ന് അന്യ സംസ്ഥാന തൊഴിലാളികളും ഒരു മലയാളിയുമാണ്.
ബേപ്പൂർ പടിഞ്ഞാറ് 10 നോട്ടിക്കൽ അകലെയാണ് സംഭവം. ആയിഷ വൺ എന്ന ബോട്ടാണ് അപകടത്തിൽപ്പെട്ടത്. വെസ്റ്റ് ബംഗാൾ സ്വദേശി ഷഹദാബ്ദാസ്, ബേപ്പൂർ സ്വദേശി ഹനീഫ എന്നിവർ വെൻ്റിലേറ്ററിലാണ്.
ബോട്ടിൽ വെള്ളം കയറി എന്ന സംശയത്തിൽ എൻജിൻ റൂമിലേക്ക് ഇറങ്ങിയ തൊഴിലാളിയാണ് ആദ്യം അപകടത്തിൽപ്പെട്ടത്. പിന്നീട് ഇയാളെ രക്ഷിക്കാൻ ഇറങ്ങിയ മൂന്നുപേരും അപകടത്തിൽപ്പെടുകയായിരുന്നു. മറ്റ് തൊഴിലാളികൾ ഇവരെ രക്ഷപ്പെടുത്തി ആശുപത്രിയിലെത്തിച്ചു.