തിരുവനന്തപുരം: സംസ്ഥാനത്ത് സ്വര്‍ണവില കുറയുന്നു. ഇന്ന് 2,480 രൂപ കുറഞ്ഞ് പവന് 93,280 രൂപയായി. ഗ്രാമിന് 310 രൂപ കുറഞ്ഞ് 11660 രൂപയായി.
സ്വർണത്തിന് രണ്ട് ദിവസംകൊണ്ട് കുറഞ്ഞത് 40,80 രൂപയാണ്. സ്വര്‍ണവിലയില്‍ ഇന്നലെ വില കൂടിയിരുന്നെങ്കിലും പിന്നീട് കുറഞ്ഞിരുന്നു. ഇന്നലെ രാവിലെ 1520 രൂപ വര്‍ധിച്ച് 97,360 രൂപയായിരുന്നു. എന്നാല്‍ ഉച്ചയ്ക്ക് ശേഷം വിലയില്‍ 1600 രൂപയുടെ കുറവുണ്ടായി. ഇതോടെ സ്വര്‍ണവില 95,760 രൂപയിലെത്തിയിരുന്നു. പിന്നാലെയാണ് ഇന്നും സ്വര്‍ണവിലയില്‍ ഇടിവ് രേഖപ്പെടുത്തിയത്.
97,000 കടന്ന് സ്വര്‍ണം റെക്കോര്‍ഡ് വില തുടരുന്നതിനിടെയാണ് ഇടിവ് രേഖപ്പെടുത്തുന്നത്. സ്വര്‍ണവിലയില്‍ ഒരു ലക്ഷം കടക്കുമെന്ന് സൂചനകളും ഉയരുന്നതിനിടെയാണ് ഇടിവ്.
18 കാരറ്റ് സ്വര്‍ണം ഗ്രാമിന് 260 രൂപ കുറഞ്ഞ് 9590 രൂപയിലെത്തി. 14 കാരറ്റ് സ്വര്‍ണം ഗ്രാമിന് 7470 രൂപയും 9 കാരറ്റിന് 4820 രൂപയുമാണ് വില.