തിരുവനന്തപുരം: ശമ്പള പരിഷ്കരണം ഉൾപ്പെടെ ആവശ്യങ്ങൾ ഉന്നയിച്ച് സംസ്ഥാനവ്യാപകമായി സർക്കാർ മെഡിക്കൽ കോളേജ് ഡോക്ടർമാർ സമരം ശക്തമാക്കുന്നു. നാളെ മുതൽ നിസ്സഹകരണ സമരം തുടങ്ങും. ഔദ്യോഗിക ചർച്ചകളിൽ നിന്നടക്കം വിട്ടു നിൽക്കും.
ഈ മാസം 29 മുതൽ തിയറി ക്ലാസുകൾ നിർത്തി വയ്ക്കും. അടുത്ത മാസം മൂന്നിന് മെഡിക്കൽ കോളേജുകളിൽ മെഴുക് തിരി കൊളുത്തി പ്രതിഷേധം സംഘടിപ്പിക്കും. ഈ പ്രതിഷേധത്തിലും നടപടി ആയില്ലെങ്കിൽ ഒ.പി ബഹിഷ്കരണം അടക്കം സമര പരിപാടികളിലേക്ക് നീങ്ങാനും കെ.ജി.എം.സി.ടി.എ തീരുമാനിച്ചു.