കൊച്ചി: വ്രതവിശുദ്ധിയുടെ നിറവിൽ ഇന്ന് ചെറിയപെരുന്നാൾ. ഒരു മാസം നീണ്ടുനിന്ന വ്രതാനുഷ്ഠാനത്തിന് സമാപനം കുറിച്ചാണ് വിശ്വാസികൾ ചെറിയ പെരുന്നാളിനെ വരവേൽക്കുന്നത്. പളളികളിലും ഈദ് ഗാഹുകളിലും നടക്കുന്ന പെരുന്നാൾ നമസ്കാരത്തിൽ ആയിരക്കണക്കിന് വിശ്വാസികൾ പങ്കെടുക്കും. റംസാന് 29 പൂര്ത്തിയാക്കിയാണ് വിശ്വാസികള് ഈദുള് ഫിത്തര് ആഘോഷിക്കുന്നത്.
നന്മകളാല് സ്ഫുടം ചെയ്ത ആത്മീയ ഊര്ജ്ജവുമായിട്ടാണ് വിശ്വാസികള് ഇന്ന് ചെറിയ പെരുന്നാള് ആഘോഷിക്കുന്നത്. ക്ഷമ, സഹനം, കാരുണ്യം, തുടങ്ങിയ മൂല്യങ്ങളുടെ കൂടിച്ചേരല് കൂടിയായ വ്രതാനുഷ്ടാന ദിനങ്ങള് പിന്നിട്ടാണ് വിശ്വാസികള് ചെറിയ പെരുന്നാളിന്റെ ആഘോഷങ്ങളിലേക്ക് കടക്കുന്നത്.
സക്കാത്ത് നല്കി സമ്പത്ത് വിപുലീകരിച്ചു. ഇഫ്താര് സംഗമത്തിലൂടെ സൗഹൃദം ഊട്ടിയുറപ്പിച്ചു. കൈകളില് മൈലാഞ്ചിച്ചോപ്പണിഞ്ഞും പുതു വസ്ത്രങ്ങള് അണിഞ്ഞും സുഹൃത്തുക്കളെയും ബന്ധുക്കളെയും സന്ദര്ശിച്ചും ഇന്നത്തെ ദിവസം വിശ്വാസികള് സമ്പന്നമാക്കും.
ഇന്നലെ ശവ്വാലമ്പിളി മാനത്ത് തെളിഞ്ഞതോടെ വിശ്വാസികള് ചെറിയ പെരുന്നാള് ഒരുക്കം തുടങ്ങിയിരുന്നു. ലോകത്തിലെ വിവിധ ഭാഗങ്ങളില് ദുരിതം അനുഭവിക്കുന്നവര്ക്കുള്ള പ്രാര്ഥനകളും ഐകൃദാര്ഡ്യവും കൂടിയാണ് ചെറിയ പെരുന്നാള്.