കോട്ടയം: മണർകാട് സ്ഫോടക വസ്തുക്കൾ വയറ്റിൽ കെട്ടിവെച്ച് ഗൃഹനാഥൻ ജീവനൊടുക്കി. മണർകാട് സ്വദേശി റജിമോൻ (58) ആണ് മരിച്ചത്. കുടുംബപ്രശ്നങ്ങളെ തുടർന്നാണ് ജീവനൊടുക്കിയതെന്നാണ് വിവരം. കിണർ പണികൾ ചെയ്യുന്ന ആളാണ് റെജിമോൻ.
ചൊവ്വാഴ്ച രാത്രി 11.30ഓെടയാണ് സംഭവം. പറമ്പിൽ നിന്ന് സ്ഫോടന ശബ്ദം കേട്ട ബന്ധുക്കൾ ചെന്നുനോക്കിയപ്പോഴാണ് റജിമോനെ കൊല്ലപ്പെട്ട നിലയിൽ കണ്ടെത്തിയത്. കിണർ പണികൾ ചെയ്യുന്ന റജിമോൻ, കിണറ്റിലെ പാറ പൊട്ടിക്കാൻ ഉപയോഗിക്കുന്ന വസ്തുക്കൾ വയറ്റിൽ കെട്ടിയാണ് ജീവനൊടുക്കിയത്. കുടുംബപ്രശ്നങ്ങളാവാം മരണത്തിന് പിന്നിലെന്ന നിഗമനത്തിലാണ് പൊലീസ്. റജിമോൻ്റെ പോസ്റ്റ്‌മോർട്ടം നടപടികൾ ഇന്ന് നടക്കും.
(ആത്മഹത്യ ഒന്നിനും പരിഹാരമല്ല. അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോൾ 'ദിശ' ഹെൽപ് ലൈനിൽ വിളിക്കുക. ടോൾ ഫ്രീ നമ്പർ: Toll free helpline number: 1056, 0471-2552056)