മലപ്പുറം: കുന്നത്ത് മുഹമ്മദിനെ മണ്ഡലം പ്രസിഡന്റ് സ്ഥാനത്ത് നിന്ന് നീക്കി മുസ്ലിം ലീഗ്. മഞ്ഞളാംകുഴി അലി വീണ്ടും മത്സരിക്കുന്നതിനെതിരെ മുഹമ്മദ് നിലപാടെടുത്തിരുന്നു. മൂന്ന് തവണ എംഎൽഎയും ഒരു തവണ മന്ത്രിയുമായ ഒരാളെ മത്സരിപ്പിക്കുന്നതിനെതിരെയാണ് പാർട്ടി കമ്മിറ്റികളിൽ മുഹമ്മദ് അതൃപ്തി അറിയിച്ചത്. ഇത് സൂചിപ്പിച്ച് കൊണ്ട് ഫേസ്ബുക്കിൽ കുറിപ്പിടുകയും ചെയ്തിരുന്നു.
മഞ്ഞളാം കുഴി അലിയും അനുയായികളും ചേർന്ന് താൻ എൽ ഡിഎഫിൽ ചേരുന്നു എന്ന രീതിയിൽ വ്യാജ പ്രചാരണം നടത്തി അപമാനിക്കാൻ ശ്രമിച്ചുവെന്നാണ് മുഹമ്മദിൻ്റെ ആരോപണം. ഇതിനെ തുടർന്നാണ് ഇദ്ദേഹത്തെ മണ്ഡലം പ്രസിഡൻ്റ് സ്ഥാനത്ത് നിന്ന് ലീഗ് നീക്കിയതെന്നാണ് ലഭിക്കുന്ന വിവരം.