പുലിയെ പിടിക്കാനായി മലയാറ്റൂർ കാടപാറയിൽ ഇന്നലെ രാത്രി സ്ഥാപിച്ച കൂട്ടിലാണ് പട്ടി കുടുങ്ങിയത്. ആടിനെ അജ്ഞാത ജീവി കടിച്ചു കൊന്നതിനെ തുടർന്നാണ് ഇവിടെ കൂട് സ്ഥാപിച്ചത്.
സംസ്ഥാനത്ത് ഭൂമി തരം മാറ്റലുമായി ബന്ധപ്പെട്ട് കെട്ടിക്കിടക്കുന്നത് ലക്ഷക്കണക്കിന് അപേക്ഷകൾ. എറണാകുളം ജില്ലയിൽ മാത്രം അര ലക്ഷത്തിലേറെ അപേക്ഷകളാണ് തീർപ്പാവാതെ ഫയലുകളിൽ കുടുങ്ങിക്കിടക്കുന്നത്. പ്രതിസന്ധിക്ക് കാരണം ആവശ്യത്തിന് നോഡൽ ഓഫീസർമാർ ഇല്ലാത്തതാണ്.
രാഹുലിൻ്റെ രാജി പാർട്ടി തീരുമാനം, രാജി അച്ചടക്ക നടപടിയുടെ ഭാഗമായാണെന്ന് വി. കെ. ശ്രീ കണ്ഠൻ. പരാതി നൽകിയാൽ കോടതി പ്രഖ്യാപിക്കുന്നതുവരെ കുറ്റക്കാരനല്ല, പുറത്തുവന്നത് രാഹുലിൻ്റെ ഓഡിയോ ആണെന്നതിന് തെളിവുണ്ടോയെന്നും വി. കെ. ശ്രീകണ്ഠൻ എം പി ചോദിച്ചു.
അർധ വസ്ത്രം ധരിച്ച് മന്ത്രിമാർക്കൊപ്പമുള്ള ചിത്രം പുറത്തുവന്നില്ലേ? വെളിപ്പെടുത്തലിന് പിന്നിലെ രാഷ്ട്രീയ പശ്ചാത്തലം പരിശോധിക്കണം. രാഹുലിനെതിരെ പരാതി ഉന്നയിച്ച സ്ത്രീകളെ അപമാനിച്ച് വി. കെ. ശ്രീകണ്ഠൻ എം പി.
പാലക്കാട് മുതലമടയിൽ ആദിവാസി യുവാവിനെ അടച്ചിട്ട മുറിയിൽ പട്ടിണിക്കിട്ട് മർദിച്ചു. മുതലമടയിൽ താമസിക്കുന്ന വെള്ളയൻ എന്ന ആദിവാസി യുവാവിനാണ് മർദനമേറ്റത്. ഊർക്കുളം പ്രദേശത്തെ ഫാംസ്റ്റേ ഉടമയാണ് സംഭവത്തിന് പിന്നില്ലെന്ന് പരാതി.
രാഹുൽ വിഷയത്തിൽ പ്രതികരണവുമായി വി. ശിവൻകുട്ടി. രാഹുൽ മങ്കൂട്ടത്തിലിനെതിരെ ഒന്നല്ല, ഓരോ ദിവസവും ഓരോ ടൈപ്പ് പരാതികൾ ആണ് പുറത്തുവരുന്നത്. ഷാഫിയുടെ സ്കൂളിലാണ് ഇവരൊക്കെ പഠിച്ചത്, അതുകൊണ്ട് ഹെഡ് മാസ്റ്ററായ ഷാഫി പ്രതികരിക്കില്ലെന്നും വി. ശിവൻകുട്ടി പറഞ്ഞു.
സംസ്ഥാനത്ത് ഒരാൾക്ക് കൂടി അമീബിക് മസ്തിഷ്ക ജ്വരം സ്ഥിരീകരിച്ചു. മലപ്പുറം ചേലേമ്പ്ര സ്വദേശിയായ 47കാരനാണ് രോഗബാധയുള്ളത്. ഇതോടെ രോഗം സ്ഥിരീകരിച്ചവരുടെ എണ്ണം അഞ്ചായി.
വി. കെ. ശ്രീകണ്ഠനെ തള്ളി കെപിസിസി ജനറൽ സെക്രട്ടറി ദീപ്തി മേരി വർഗീസ്. ഒരു സ്ത്രീയേയും പരാതിക്കാരിയേയുംഅപമാനിക്കുന്നത് പാർട്ടി രീതിയല്ല. ആ പ്രസ്താവനയിൽ അദ്ദേഹം തന്നെ മറുപടി പറയട്ടെയെന്നും ദീപ്തി.
തെരുവുനായ നിയന്ത്രണത്തിനുള്ള ഉത്തരവ് ഭേദഗതി ചെയ്ത് സുപ്രീംകോടതി. നായ്ക്കളെ വാക്സിനേഷൻ നൽകി തെരുവിൽ തിരിച്ച് വിടണം എന്നാണ് പുതിയ നിർദേശം. അക്രമകാരികളായ നായ്ക്കളെ കൂട്ടിലടയ്ക്കാം. തെരുവ് നായ്ക്കൾക്ക് ഭക്ഷണം നൽകാൻ പ്രത്യേക സൗകര്യം ഒരുക്കണമെന്നും കോടതി ചൂണ്ടിക്കാട്ടി.
'ടൈമർ സെറ്റ് ചെയ്താണ് രാഹുൽ മെസ്സേജ് അയച്ചിരുന്നത്' രാഹുല്‍ മാങ്കൂട്ടത്തിലിനെതിരെ വെളിപ്പെടുത്തലുമായി യുവതി. കേരളത്തിന് പുറത്ത് ജോലി ചെയ്യുന്ന യുവതിയാണ് വെളിപ്പെടുത്തൽ നടത്തിയത്.
ഓണ സമ്മാനമായി രണ്ടുമാസത്തെ പെൻഷൻ ശനിയാഴ്ച മുതൽ വിതരണം ചെയ്ത് തുടങ്ങും. ഓണത്തിന് മുൻപ് രണ്ടു ഗഡു നൽകാനാണ് തീരുമാനം. ഇതിനായി 1679 കോടി ധനവകുപ്പ് അനുവദിച്ചു.
നിമിഷപ്രിയയുടെ വധശിക്ഷ ഈ മാസം 24നോ 25നോ നടപ്പാക്കുമെന്ന് സുവിശേഷകൻ കെ. എ. പോള്‍ സുപ്രീം കോടതിയില്‍ പറഞ്ഞു. ചര്‍ച്ചകള്‍ക്കായി മൂന്നുദിവസത്തേക്ക് വാര്‍ത്തകള്‍ വിലക്കണമെന്ന് കെ.എ.പോളിൻ്റെ ഹർജി. ഹര്‍ജി തിങ്കളാഴ്ച പരിഗണിക്കാന്‍ മാറ്റി.
രാഹുൽ രാജിവയ്ക്കണം എന്നത് കേരളത്തിലെ പൊതുസമൂഹത്തിന്റെ ആവശ്യമാണെന്ന് സിപിഐഎം സംസ്ഥാന സെക്രട്ടറി എം.വി. ഗോവിന്ദന്‍. കേരളത്തിൽ മറ്റൊരു നേതാവിനെതിരെയും തെളിവുകൾ സഹിതം ഇത്രയധികം ആരോപണങ്ങൾ വന്നിട്ടില്ലെന്നും സിപിഐഎം സംസ്ഥാന സെക്രട്ടറി.
രാജി ആവശ്യപ്പെടാൻ സിപിഐഎമ്മിനു ധാർമികതയുണ്ട്. ശരവർഷം പോലെയാണ് ആരോപണങ്ങൾ ഉയർന്നുവന്നത്. മുകേഷിനെതിരെ ആരോപണമാണ് അന്ന് ഉയർന്നുവന്നതെന്നും എം.വി. ഗോവിന്ദന്‍.
ബിഹാർ വോട്ടര്‍ പട്ടിക തീവ്ര പരിഷ്‌കരണത്തില്‍ രാഷ്ട്രീയ പാർട്ടികളുടെ അധ്യക്ഷർക്ക് നോട്ടീസ് നൽകാൻ സംസ്ഥാന തെരഞ്ഞെടുപ്പ് കമ്മീഷന് സുപ്രീം കോടതിയുടെ നിർദേശം. കമ്മീഷന് തല്‍സ്ഥിതി റിപ്പോര്‍ട്ട് നല്‍കണമെന്നും കോടതി ഇടക്കാല ഉത്തരവ് പുറപ്പെടുവിച്ചു.
വോട്ട് മോഷണ ആരോപണത്തിന്റെ പേരിൽ മാധ്യമങ്ങൾ തന്നെ വേട്ടയാടുന്നുവെന്ന് കേന്ദ്ര മന്ത്രി സുരേഷ് ഗോപി. തൻ്റെ ജീവിതത്തിൽ കയറിയാണ് നിങ്ങൾ കൊത്തിയത്. കുടുബ ബന്ധങ്ങൾ ഹനിക്കുന്ന തരത്തിൽ മാധ്യമങ്ങൾ പെരുമാറി. താൻ എന്തു പാപമാണ് ചെയ്തതെന്നും സുരേഷ് ഗോപി.
രാഹുലിനെതിരായ മഹിളാ മോർച്ചയുടെ കോഴി പ്രതിഷേധത്തിനെതിരെ മൃഗസംരക്ഷണ വകുപ്പിനും അനിമൽ വെൽഫയർ ബോർഡിനും പരാതി. പൊലീസിനു നേരെ എറിഞ്ഞതോടെ കോഴികൾ ചത്തുവെന്ന് പരാതിയിൽ പറയുന്നു. മിണ്ടാപ്രാണിയോട് ക്രൂരത കാണിച്ചു എന്നാണ് പരാതി. സൊസൈറ്റി ഫോർ ദി പ്രിവൻഷൻ ഓഫ് ക്രൂവൽറ്റി ടു അനിമൽസ് അംഗം ഹരിദാസ് മച്ചിങ്ങലാണ് പരാതി നൽകിയത്. ജന്തുദ്രോഹ നിവാരണ കുറ്റം ചുമത്തി കേസ് എടുക്കണമെന്നാണ് ആവശ്യം.
മലപ്പുറം കാളികാവ് അടക്കാക്കുണ്ടിൽ ജനവാസ മേഖലയിൽ കടുവയിറങ്ങിയ സംഭവത്തില്‍ നാട്ടുകാരുടെ നേതൃത്വത്തിൽ പ്രതിഷേധം. പ്രദേശത്തെ ഡിഎഫ്ഒ എത്തിയപ്പോഴാണ് പ്രതിഷേധിച്ചത്.
തുടർച്ചയായി കടുവ ഇറങ്ങിയിട്ടും കൂടുവയ്ക്കാൻ അധികൃതർ തയ്യാറാകുന്നില്ലെന്നാണ് ആക്ഷേപം. കഴിഞ്ഞ ചൊവ്വാഴ്ചയാണ് പ്രദേശത്ത് കടുവ പശുവിനെ പിടികൂടിയത്.
ഇക്കുറി ഓണയാത്ര കഠിനമാകില്ല. വിപുലമായ സൗകര്യങ്ങളാണ് ഓണയാത്രയ്ക്കായി ഇന്ത്യൻ റെയിൽവേ ഒരുക്കിയിരിക്കുന്നത്. 92 സ്പെഷ്യൽ ട്രെയിൻ സർവീസുകളാണ് ഇതുവരെ പ്രഖ്യാപിച്ചത്. അതോടൊപ്പം, പത്ത് പ്രധാന ട്രെയിനുകളിൽ അധിക കോച്ചും അനുവദിച്ചിട്ടുണ്ട്.
മുഖ്യമന്ത്രി പിണറായി വിജയന്റെ പേരിൽ ഫേക്ക് ചാറ്റ് നടത്തിയെന്നാരോപിച്ച് യുവാവിനെതിരെ പരാതി നൽകി കണ്ണൂർ സ്വദേശി. മുഖ്യമന്ത്രി ചെയ്യുന്ന രീതിയിൽ ഫേക്ക് ചാറ്റുകൾ നിർമിച്ച് ഫെയ്സ്ബുക്ക് ഉൾപ്പെടെയുള്ള ഓൺലൈൻ മാധ്യമങ്ങൾ വഴി പ്രരിപ്പിക്കുന്നവെന്നാണ് പരാതിയിൽ പറയുന്നത്. ഷാഹുൽ ഹമീദ് എന്നയാൾക്കെതിരെയാണ് പരാതി നൽകിയിരിക്കുന്നത്.
തോപ്പുംപടി ഹാർബറിൽ കായലിൽ വീണ തൊഴിലാളി മരിച്ചു. അർത്തുങ്കൽ സ്വദേശി ടിറ്റോയാണ് മരിച്ചത്. ഭാരത് സാഗർ എന്ന ബോട്ടിലെ തൊഴിലാളി ആണ് ടിറ്റോ.