സിപിഐഎമ്മിലെ പരാതി കത്ത് ചോർച്ച വിവാദത്തിൽ വിശദീകരണവുമായി രാജേഷ് കൃഷ്ണ. മാനനഷ്ട കേസ് ഫയൽ ചെയ്തതിന്റെ പ്രതികാരമാണ് ഷർഷാദിന്റെ ആരോപണങ്ങളെന്ന് രാജേഷ് കൃഷ്ണ. ഏത് അന്വേഷത്തെയും സ്വാഗതം ചെയ്യുന്നുവെന്നും ഫേസ്ബുക്ക് പോസ്റ്റ്.
സംവിധായകൻ നിസാർ അബ്ദുൽഖാദർ അന്തരിച്ചു. കരൾ, ശ്വാസസംബന്ധമായ അസുഖങ്ങളെ തുടർന്ന് ചികിത്സയിലായിരുന്നു. സുദിനം, ത്രീ മെൻ ആർമി, ന്യൂസ് പേപ്പർ ബോയ്, കായംകുളം കണാരൻ, താളമേളം തുടങ്ങി നിരവധി സിനിമകൾ സംവിധാനം ചെയ്തിട്ടുണ്ട്. ചങ്ങനാശ്ശേരി പഴയ പള്ളി ഖബർസ്ഥാനിൽ നാളെയാണ് സംസ്ക്കാരം.
കണ്ണൂര്‍, കാസര്‍ഗോഡ്, വയനാട് ജില്ലകളില്‍ ഇന്ന് ഓറഞ്ച് അലേര്‍ട്ട്. എട്ട് ജില്ലകളില്‍ യെല്ലോ അലേര്‍ട്ട്. പത്തനംതിട്ട, കോട്ടയം, എറണാകുളം, ഇടുക്കി, തൃശൂര്‍, പാലക്കാട്, മലപ്പുറം, കോഴിക്കോട് തുടങ്ങിയ ജില്ലകളിലാണ് യെല്ലോ അലേര്‍ട്ട്.
കോഴിക്കോട് ഫറോക്ക് കരുവന്‍തിരുത്തി സ്വദേശി സുബൈദയുടെ രണ്ട് പവന്റെ മാലയാണ് മോഷ്ടാക്കള്‍ കവര്‍ന്നത്. ഇന്ന് പുലര്‍ച്ചെ 2.45 ഓടെ വീട്ടിലെത്തിയ മോഷ്ടാക്കള്‍ പുറകുവശത്തെ കതക് തകര്‍ത്താണ് മോഷണം നടത്തിയത്. മാല പൊട്ടിച്ചതിനെ തുടര്‍ന്ന് വീട്ടമ്മയ്ക്ക് കഴുത്തിന് പരിക്കേറ്റു. ഫറോക്ക് പൊലീസില്‍ പരാതി നല്‍കി
ഹയര്‍ സെക്കന്‍ഡറി വിഭാഗത്തില്‍ പ്രിന്‍സിപ്പല്‍മാര്‍ ക്ലര്‍ക്കിന്റെ ജോലികള്‍ ചെയ്യണമെന്ന വിദ്യാഭ്യാസ വകുപ്പ് ഉത്തരവ് റദ്ദാക്കുമെന്ന് വിദ്യാഭ്യാസ മന്ത്രി വി. ശിവന്‍കുട്ടി. വകുപ്പിന്റെ ഉത്തരവില്‍ പിശക് സംഭവിച്ചിട്ടുണ്ട്. പ്രിന്‍സിപ്പാള്‍മാര്‍ അവരുടെ ജോലി മാത്രം ചെയ്താല്‍ മതിയെന്നും മന്ത്രിയുടെ നിര്‍ദ്ദേശം. എറണാകുളം വളയന്‍ചിറങ്ങര ഹയര്‍സെക്കന്‍ഡറി സ്‌കൂള്‍ ക്ലര്‍ക്ക് തസ്തിക ആവശ്യപ്പെട്ടുകൊണ്ട് നല്‍കിയ അപേക്ഷയിലായിരുന്നു വകുപ്പിന്റെ വിചിത്ര ഉത്തരവ്. മന്ത്രിയുടെ ഇടപെടല്‍ ന്യൂസ് മലയാളം വാര്‍ത്തയ്ക്ക് പിന്നാലെ.
പ്രാഥമിക ആരോഗ്യ കേന്ദ്രത്തില്‍ നിന്നും ലഭിച്ചത് ഉപയോഗ ശൂന്യമായ മരുന്നുകളെന്ന് പരാതി. ആരോപണം കോഴിക്കോട് പെരുവയല്‍ പ്രാഥമിക ആരോഗ്യ കേന്ദ്രത്തിനെതിരെ. ഗുളികകള്‍ ഉള്ളത് പ്ലാസ്റ്റിക്കിന് സമാനമായ നിലയില്‍. മൂന്ന് സ്ട്രിപ്പിലെ 30 ഗുളികകള്‍ പൂര്‍ണമായും കേടായ നിലയില്‍.
സ്വകാര്യ ബസ്സുകള്‍ പണിമുടക്കി സമരം ചെയ്താല്‍ കെഎസ്ആര്‍ടിസിയെ വെച്ച് നേരിടുമെന്ന് ഗതാഗത മന്ത്രി കെ.ബി. ഗണേഷ് കുമാര്‍. 500 ലോക്കല്‍ ബസ്സുകള്‍ കെഎസ്ആര്‍ടിസിക്ക് ഉണ്ട്. ഡ്രൈവറെ വെച്ച് ഡീസല്‍ അടിച്ച് വണ്ടി നിരത്തിലിറക്കുമെന്നും ഗതാഗത മന്ത്രിയുടെ വെല്ലുവിളി. രാമനിലയത്തില്‍ എത്തി ബസ് ഉടമകള്‍ കൂടിക്കാഴ്ച നടത്തിയതിന് പിന്നാലെയാണ് ഗതാഗത മന്ത്രിയുടെ പ്രതികരണം. വേണ്ടിവന്നാല്‍ ഓണക്കാലത്ത് പണിമുടക്കും എന്നായിരുന്നു ബസ്സുടമകളുടെ നിലപാട്. വിദ്യാര്‍ഥി കണ്‍സഷന്‍ വര്‍ധിപ്പിക്കണമെന്ന് ആവശ്യം അംഗീകരിക്കാന്‍ കഴിയാത്തത്. വിദ്യാര്‍ഥികളെ കൊണ്ട് സമരം ചെയ്യിപ്പിക്കാനുള്ള നീക്കം ആണ് നടക്കുന്നത്. വിദ്യാര്‍ഥികളെ കൊണ്ട് സമരം ചെയ്യിപ്പിച്ച് പ്രശ്‌നങ്ങള്‍ ഉണ്ടാക്കാനില്ലെന്നും മന്ത്രി.
ടോമിന്‍ ജെ തച്ചങ്കരിയുടെ ഉമസ്ഥതയിലുള്ള റയാന്‍ സ്റ്റുഡിയോയിലെ നിര്‍മാണം അനധികൃതമെന്ന് സിപിഐഎം. കെട്ടിട നമ്പര്‍ പോലുമില്ലാതെയാണ് ഗോഡൗണുകള്‍ പ്രവര്‍ത്തിക്കുന്നത്. ശുചിമുറി മാലിന്യങ്ങള്‍ പൊതുനിരത്തിലേക്ക് ഒഴുക്കുന്നു എന്നും ആരോപണം.
സര്‍ക്കാര്‍ ആത്മാര്‍ഥമായി പ്രശ്‌നം പരിഹരിക്കാന്‍ ശ്രമിക്കുന്നുണ്ടെന്ന് സ്പീക്കര്‍ എഎന്‍ ഷംസീര്‍. നാല് മാസമായി സംസ്ഥാനത്ത് നല്ല മഴ തുടരുന്നു. കാലാവസ്ഥ നിര്‍മാണത്തെ ബാധിക്കുന്നുണ്ട്. പ്രശ്‌നം പരിഹരിക്കണമെന്ന ജനങ്ങളുടെ വികാരത്തിനൊപ്പമാണ് സര്‍ക്കാര്‍ എന്നും ഷംസീര്‍.
കളമശേരി തേവയ്ക്കലിൽ മണ്ണ് ഇടിഞ്ഞു. തേവയ്ക്കൽ സ്വദേശി മാർട്ടിൻ്റെ വീടിൻ്റെ അടുക്കള ഭാഗത്തെ മണ്ണാണ് ഇടിഞ്ഞത്. അടുത്തടുത്തായി മൂന്ന് വീടുകളാണ് ഉള്ളത്. ഇന്ന് രാവിലെ 5 മണിയോടെയായിരുന്നു സംഭവം.
വടക്കൻ കേരളത്തിൽ ഇന്നും അതിശക്തമായ മഴ തുടരും. കണ്ണൂർ, കാസർകോട് ജില്ലകളിൽ ഓറഞ്ച് അലേർട്ടും, വയനാട്, കോഴിക്കോട്, മലപ്പുറം ജില്ലകളിൽ യെല്ലോ അലേർട്ടും പ്രഖ്യാപിച്ചിട്ടുണ്ട്. കനത്ത മഴയെ തുടർന്ന് തൃശൂർ ജില്ലയിലെ വിദ്യാഭ്യാസ സ്ഥാപനങ്ങൾക്ക് ഇന്ന് അവധിയാണ്.