കേരളത്തിലെ പ്രധാന സർക്കാർ ആശുപത്രികളിൽ മുതിർന്ന പൗരന്മാർക്കായി പ്രത്യേക ഒപി കൗണ്ടർ സെപ്തംബർ ഒന്നുമുതൽ വരുമെന്ന് ആരോഗ്യ മന്ത്രി വീണാ ജോർജ് അറിയിച്ചു. താലൂക്ക്, താലൂക്ക് ഹെഡ് ക്വാട്ടേഴ്സ്, ജില്ലാ, ജനറൽ ആശുപത്രികൾ, സ്പെഷ്യാലിറ്റി ആശുപത്രികൾ, മെഡിക്കൽ കോളേജുകൾ എന്നിവിടങ്ങളിലാണ് പദ്ധതി നടപ്പാക്കുക.
മകൻ മർദിച്ച് ഗുരുതരമായി പരിക്കേറ്റ പിതാവ് മരിച്ചു. ഇടുക്കി രാജാക്കാട് ആത്മാവ് സിറ്റി സ്വദേശി വെട്ടികുളം വീട്ടിൽ മധു (57) ആണ് മരിച്ചത്. ആഗസ്റ്റ് 14 നാണ് മകൻ സുധിഷ് അച്ഛനെ ക്രൂരമായി മർദിച്ചത്. ആശുപത്രിയിൽ ചികിത്സയിലായിരുന്ന മധു ഇന്ന് രാവിലെയാണ് മരിച്ചത്. സുധീഷ് റിമാൻഡിലാണ്.
ഗോവിന്ദച്ചാമിയുടെ ജയിൽചാട്ടത്തിൽ സംശയം പ്രകടിപ്പിച്ച് അന്വേഷണ സമിതി. ദിവസങ്ങളെടുത്ത് കമ്പി മുറിച്ചത് ഉദ്യോഗസ്ഥർ അറിഞ്ഞില്ലെന്നത് അത്ഭുതം. സെല്ലിൻ്റെ കമ്പി മുറിക്കാൻ ഉപയോഗിച്ച ആയുധത്തിൽ അവ്യക്തതയുണ്ട്. പ്രഥമദൃഷ്ട്യാ ഉദ്യോഗസ്ഥർക്ക് വീഴ്ച സംഭവിച്ചെന്ന് ജസ്റ്റിസ് സി. എൻ. രാമചന്ദ്രൻ നായർ. കാലപ്പഴക്കം ചെന്ന സെല്ലുകൾ സുരക്ഷയ്ക്ക് ഭീഷണിയെന്നും സമിതി.
പ്രതിപക്ഷ സർക്കാരുകളെ ലക്ഷ്യമിട്ടാണ് അമിത് ഷായുടെ നീക്കം. ഒരു മുഖ്യമന്ത്രിയെ 30 ദിവസം കസ്റ്റഡിയിൽ എടുത്ത് മന്ത്രിസഭതന്നെ ഇല്ലാതാക്കാൻ കഴിയുന്ന നിയമമാണ് ഒരു ചർച്ചയും കൂടിയാലോചനയുമില്ലാതെ ബിൽ കൊണ്ടുവന്നത്. പ്രതിപക്ഷ സർക്കാരുകളെ തകർക്കുക എന്നതാണ് ലക്ഷ്യമെന്ന് ജോൺ ബ്രിട്ടാസ്.
നാലാം പ്രതി അനിൽകുമാറിനാണ് ഒരു മാസം പരോൾ അനുവദിച്ചത്. പരോൾ നൽകരുതെന പൊലീസ് റിപ്പോർട്ട് മറികടന്നാണ് പരോൾ അനുവദിച്ചത്.
എംഎസ്എഫിന് ആധിപത്യമുള്ള കോളേജുകളിൽ യുഡിഎസ്എഫ് സഖ്യമില്ല. സഖ്യം കെഎസ്‍യുവിന് ശക്തിയുള്ള കാമ്പസുകളിൽ മാത്രം. കോൺഗ്രസ് നേതാക്കൾ വഴി കെഎസ്‍യുവിൽ സമ്മർദം ചെലുത്തുന്നുണ്ടന്നും ആരോപണം.
പറവൂർ കോട്ടുവള്ളിയിൽ അയൽവാസികളുടെ ഭീഷണിയെ തുടർന്ന് വീട്ടമ്മ ജീവനൊടുക്കിയ കേസ് പ്രത്യേക സംഘം അന്വേഷിക്കും. മുനമ്പം ഡിവൈഎസ്പി യുടെ നേതൃത്വത്തിലാണ് അന്വേഷണം. അയൽവാസികൾ ഒളിവിലാണ്.
ആഭ്യന്തര മന്ത്രി അമിത്ഷാ ബിൽ പാർലമെൻ്റിൽ അവതരിപ്പിക്കുന്നു. ബില്ലിനെതിരെ മുദ്രാവാക്യം മുഴക്കി പ്രതിപക്ഷാംഗങ്ങൾ.
ഇരുവരും തമ്മിൽ വഴക്കുണ്ടായതിനെ തുടർന്നാണ് കുത്തിക്കൊലപ്പെടുത്തിയത്. എട്ടാം ക്ലാസുകാരനെ പൊലീസ് കസ്റ്റഡയിലെടുത്തു. സ്കൂളിന് പുറത്ത് വ്യാപക പ്രതിഷേധം
ധനുവച്ചപുരം കോളേജ് വിദ്യാർഥി ദേവജിത്തിനാണ് മർദനമേറ്റത്. ശരീരത്തിൽ മാരകായുധം കൊണ്ട് മർദിച്ചതിൻ്റെ പാടുകൾ. എബിവിപിയുടെയുടെ പരിപാടിക്ക് പങ്കെടുക്കാത്തതാണ് കാരണമെന്നും വിദ്യാർഥി പറഞ്ഞു.
പാലക്കാട് വടക്കന്തറയില്‍ സ്ഫോടകവസ്തു പൊട്ടിത്തെറിച്ച് നാലാം ക്ലാസ് വിദ്യാര്‍ത്ഥിക്ക് ഗുരുതര പരിക്കേറ്റ സംഭവത്തില്‍ പോലീസ് ഊര്‍ജിതമായി അന്വേഷണം നടത്തണമെന്ന് എസ്എഫ്‌ഐ.
ആര്‍എസ്എസ് നിയന്ത്രണത്തിലുള്ള വ്യാസ വിദ്യാപീഠം പ്രൈമറി സ്കൂളിലാണ് സ്ഫോടനം. ചെറിയ കുട്ടികള്‍ പഠിക്കുന്ന പ്രൈമറി സ്‌കൂളിനെ പോലും തീവ്രവാദ പ്രവര്‍ത്തനങ്ങള്‍ക്കായി ഉപയോഗിക്കുന്ന ഞടട ന്റെ തീവ്ര രാഷ്ട്രീയമാണ് ഇതില്‍ നിന്നും വ്യക്തമാകുന്നത്. നാടിന്റെ സമാധാനാന്തരീക്ഷം തകര്‍ക്കാനും കലാപത്തിന് കോപ്പുകൂട്ടാനും ഞടട ആസൂത്രണം ചെയ്യുന്നതിന്റെ ഉദാഹരണമാണിത്. സ്‌കൂള്‍ മാനേജ്മിന്റിനെ കേന്ദ്രീകരിച്ചും സ്ഫോടകവസ്തു സ്‌കൂള്‍ കോമ്പൗണ്ടില്‍ എത്തിയത് എങ്ങനെയെന്നും വിശദമായി അന്വേഷിക്കണമെന്നും.തുടര്‍ നടപടികള്‍ സ്വികരിക്കണമെന്നും ആവശ്യപ്പെടുന്നു. സ്‌കൂളുകളിലെ ഇത്തരം തീവ്രവാദ പ്രവര്‍ത്തനം ശക്തമായി പ്രതിരോധിക്കും. ജില്ലാ പൊലീസ് മേധാവിക്കും വിദ്യാഭ്യാസ മന്ത്രിക്കും പരാതി നല്‍കുമെന്നും എസ് എഫ് ഐ പാലക്കാട് ജില്ലാ പ്രസിഡന്റ് അഭിഷേക് വി വി സെക്രട്ടറി വിപിന്‍ എസ് എന്നിവര്‍ പ്രസ്താവനയിലുടെ അറിയിച്ചു.
കുറ്റമറ്റ അന്വേഷണം നടത്തണം: കെഎസ്യു
പാലക്കാട്: വടക്കന്തറയില്‍ സ്‌ഫോടക വസ്തു പൊട്ടിത്തെറിച്ച് നാലാം ക്ലാസ് വിദ്യാര്‍ത്ഥിക്ക് ഗുരുതര പരിക്കേറ്റ സംഭവത്തില്‍ ശക്തമായ അന്വേഷണം നടത്തി മാതൃകാപരമായ നടപടി സ്വീകരിക്കണമെന്ന് കെഎസ്യു സംസ്ഥാന ജനറല്‍ സെക്രട്ടറി അജാസ് കുഴല്‍മന്ദം ആവശ്യപ്പെട്ടു. ഇത്തരം സംഭവങ്ങള്‍ ഒരിക്കലും ആവര്‍ത്തിക്കാന്‍ പാടുള്ളതല്ല. നാടിന്റെ സമാധാന അന്തരീക്ഷം തകര്‍ക്കുവാനുള്ള ഗൂഢശ്രമങ്ങളെ സമൂഹം ഒറ്റക്കെട്ടായി എതിര്‍ക്കേണ്ടതുണ്ട്. സ്‌കൂള്‍ കോമ്പൗണ്ടിനുള്ളില്‍ എങ്ങനെ സ്‌ഫോടക വസ്തു എത്തി എന്നുള്ളത് ഏറെ ദുരൂഹതകള്‍ വര്‍ധിപ്പിക്കുന്ന കാര്യമാണ്. സംഭവത്തിന് പിന്നില്‍ ആര്‍ക്കൊക്കെയാണ് പങ്കുള്ളത് എന്നതില്‍ ഊര്‍ജ്ജിതമായ അന്വേഷണം നടത്തണമെന്ന് കെ എസ് യു ആവശ്യപ്പെടുകയാണ്. കുട്ടികള്‍ പഠിക്കുന്ന വിദ്യാലയങ്ങളില്‍ അശാന്തിയുടെ ഭീതി പടര്‍ത്തുന്നവരെ ഒറ്റപ്പെടുത്തേണ്ടത് കാലഘട്ടത്തിന്റെ അനിവാര്യതയാണ്. സ്‌കൂളുകളെ തീവ്രവാദ പ്രവര്‍ത്തനത്തിന്റെ ഇടങ്ങളായി ആരെങ്കിലും കാണുന്നുണ്ടെങ്കില്‍ അവരെ നിയമത്തിനു മുന്‍പില്‍ കൊണ്ടുവരണം. ആര്‍എസ്എസ് നിയന്ത്രണത്തിലുള്ള മാനേജ്‌മെന്റ് ആണ് ഈ വിദ്യാലയത്തെ നിയന്ത്രിക്കുന്നത്. അത് സംഭവത്തിന്റെ ദുരൂഹത കൂടുതല്‍ വര്‍ദ്ധിപ്പിക്കുന്നതാണ്. എത്രയും വേഗം ശക്തമായ അന്വേഷണം നടത്തി പ്രതികളെ നിയമത്തിനു മുന്‍പില്‍ കൊണ്ടുവരണമെന്നും അദ്ദേഹം ആവശ്യപ്പെട്ടു.