തിരുവനന്തപുരം: പിണറായി വിജയൻ വീണ്ടും കേരള മുഖ്യമന്ത്രിയാകുമെന്ന് കോൺഗ്രസ് നേതാവ് മണിശങ്കർ അയ്യർ. സംസ്ഥാന സർക്കാരിന്റെ പ്രവർത്തനം അവിശ്വസനീയമാണ്. പ്രതിപക്ഷം പൂർണമായും വിഭജിക്കപ്പെട്ടു. കേരളം ഒന്നാം സ്ഥാനത്താണെങ്കിൽ ഗുജറാത്ത് ഇരുപതാം സ്ഥാനത്താണെന്നും മണിശങ്കർ അയ്യർ പറഞ്ഞു.
കമ്മ്യൂണിസ്റ്റുകാർ അച്ചടക്കമുള്ളവരാണെന്നും മണി ശങ്കർ അയ്യർ പറഞ്ഞു. ഇൻഡ്യാ സഖ്യത്തിൽ കോൺഗ്രസും സിപിഐഎമ്മും സഖ്യത്തിലാണ്. കേരളത്തിൽ എതിർകക്ഷികളായി പോരാടുന്നത് എന്തുകൊണ്ടാണെന്നറിയില്ല. ഒരു മലയാളി ആയിരുന്നെങ്കിലെന്ന് ഞാൻ ആഗ്രഹിക്കുന്നുവെന്നും മണിശങ്കർ അയ്യർ ന്യൂസ് മലയാളത്തോട് പറഞ്ഞു.
കേരള രാഷ്ട്രീയത്തെക്കുറിച്ച് തനിക്ക് ഒന്നുമറിയില്ല, പക്ഷേ സംസ്ഥാന സർക്കാരുകളുടെ പ്രകടനത്തെക്കുറിച്ച് അറിയാം. കേരള സർക്കാർ ഒന്നാം സ്ഥാനത്താണെങ്കിൽ രണ്ടാമത് തമിഴ്നാടും മൂന്നാമത് തെലങ്കാനയും ഇരുപതാം സ്ഥാനം ഗുജറാത്തിനുമാണെന്നും മണിശങ്കർ അയ്യർ ന്യൂസ് മലയാളത്തോട് പറഞ്ഞു.