കണ്ണൂർ: ഒരു വയസുകാരന് അനസ്തേഷ്യ നൽകിയതിൽ ആശുപത്രിക്ക് വീഴ്ച പറ്റിയെന്ന് ആരോപിച്ച് കുടുംബം. പയ്യന്നൂർ ബേബി മെമ്മോറിയൽ ആശുപത്രിക്കെതിരെയാണ് ചികിത്സാ പിഴവ് പരാതിയുമായി കുടുംബം പൊലീസിൽ പരാതി നൽകിയത്.
സൂരജ്-വിജിഷ ദമ്പതികളുടെ മകൻ ദേവാൻഷ് ശൗര്യയുടെ ആരോഗ്യനിലയാണ് അനസ്തേഷ്യ നൽകിയതോടെ ഗുരുരാവസ്ഥയിലായത്. മുഖത്തെ മുറിവിന് സ്റ്റിച്ച് ഇടാൻ വേണ്ടിയാണ് അനസ്തേഷ്യ നൽകിയത്.
അനസ്തേഷ്യ നൽകിയപ്പോൾ കുട്ടിക്ക് കാർഡിയാക് അറസ്റ്റ് ഉണ്ടായെന്നാണ് ആശുപത്രിയുടെ വിശദീകരണം. കുട്ടിയെ രക്ഷപ്പെടുത്താൻ ശ്രമം തുടരുന്നുവെന്നും അധികൃതർ അറിയിച്ചു. സംഭവം പുറത്തറിഞ്ഞതോടെ ആശുപത്രിയിൽ യുവജന സംഘടനകൾ പ്രതിഷേധിച്ചു.