പത്തനംതിട്ട: ജാതി അധിക്ഷേപം നടത്തിയ അധ്യാപികയ്ക്കെതിരെ പരാതിയുമായി രക്ഷിതാവ്. മലയാലപ്പുഴ ഗവ. ന്യൂ എൽപി സ്കൂളിലെ അധ്യാപികയ്ക്കെതിരെയാണ് രക്ഷിതാവ് പരാതി നൽകിയിരിക്കുന്നത്. മകൻ കാണിക്കുന്ന തെറ്റുകൾക്ക് കാരണം അവൻ്റെ ജാതിയുടെയും വീട്ടിലെയും രീതിയാണ് എന്നാണ് അധ്യാപിക പിടിഎ മീറ്റിങ്ങിൽ വച്ച് പറഞ്ഞത്.
മലയാലപ്പുഴ സ്കൂളിലെ അധ്യാപികയായ മുബീന ഷെഫീക്കിനെതിരെയാണ് രക്ഷിതാവ് ജില്ലാ പൊലീസ് മേധാവിക്ക് പരാതി നൽകിയത്. ഇത്തരത്തിൽ അധ്യാപകരുടെ ഭാഗത്ത് നിന്ന് പരാമർശങ്ങൾ ഉണ്ടാകുമ്പോൾ പ്രധാനാധ്യാപിക പ്രതികരിക്കാത്തത് ആശങ്കപ്പെടുത്തുന്നുവെന്നും, അധ്യാപകരുടെ പെരുമാറ്റം ഞങ്ങളെപ്പോലെ പാവപ്പെട്ടവരുടെ വിദ്യഭ്യാസ അവകാശങ്ങൾക്കെതിരെയുള്ള ലംഘനമാണെന്നും രക്ഷിതാവ് പരാതിയിൽ വ്യക്തമാക്കി.