തിരുവനന്തപുരം: പ്ലസ്ടു വിദ്യാർഥിയെ പ്ലസ്വൺ വിദ്യാർഥികൾ ക്രൂരമായി മർദിച്ചെന്ന് പരാതി. കല്ലമ്പലത്തെ സ്വകാര്യ സ്കൂളിലെ പ്ലസ്ടു വിദ്യാർഥിയായ മുഹമ്മദ് സെയ്ദലിക്കാണ് സഹപാഠികളുടെ മർദനമേറ്റത്. പ്ലസ്ടു കൊമേഴ്സ് വിദ്യാർഥിയായ മുഹമ്മദ് സെയ്ദലിയെ പ്ലസ്വൺ ഹ്യൂമാനിറ്റീസ് വിദ്യാർഥികളാണ് മർദിച്ചത്.
കഴിഞ്ഞ മാസം 22ന് സ്കൂളിലെ പരീക്ഷ കഴിഞ്ഞ് പുറത്തിറങ്ങിയ സെയ്ദാലിയെ വിദ്യാർഥികൾ കൂട്ടമായെത്തി മർദിക്കുകയായിരുന്നു. ആക്രമണത്തിൽ വിദ്യാർഥിയുടെ തോളെല്ലിനും കൈക്കും പൊട്ടലുണ്ട്. കഴുത്തിനും പരിക്കുണ്ട്. ആക്രമണത്തിന് പിന്നാലെ സെയ്ദാലിയുടെ മാതാവ് സ്കൂൾ അധികൃതർക്കും പൊലീസിനും പരാതി നൽകിയിട്ടുണ്ട്. സംഭവവുമായി ബന്ധപ്പെട്ട് സ്കൂളിലെ ഒരു വിദ്യാർഥിയെ സസ്പെൻഡ് ചെയ്തു.