തിരുവനന്തപുരം: സംസ്ഥാനത്ത് വീണ്ടും വൈദ്യുതി നിയന്ത്രണം. വൈദ്യുതി ലഭ്യതയിൽ രൂക്ഷമായ പ്രതിസന്ധി നേരിട്ടതിനാലാണ് നിയന്ത്രണം. ജൂൺ 30 വരെ വൈകീട്ട് 6നും രാത്രി 12നും ഇടയിലാണ് നിയന്ത്രണം.
കാലവർഷം ആരംഭിച്ചിട്ടും എൽ നിനോ പ്രതിഭാസത്തിൻ്റെ സ്വാധീനഫലമായി മഴയെ ബാധിച്ചതും മഴ ആവശ്യത്തിന് ലഭിക്കാതിരുന്നതുമാണ് വൈദ്യുതി നിയന്ത്രണത്തിന് കെഎസ്ഇബിയുടെ വിശദീകരണം. ആവശ്യത്തിന് മഴ ലഭിക്കാത്തതിനെ തുടർന്ന് 900 മെഗാവാട്ട് വൈദ്യുതിയുടെ കുറവാണ് രേഖപ്പെടുത്തിയത്.
കൂടാതെ ഏപ്രിൽ, മാർച്ച് മാസങ്ങളിൽ സംസ്ഥാനങ്ങളിൽ നിന്ന് വാങ്ങിയ വൈദ്യുതി തിരിച്ചുനൽകേണ്ട സമയം കൂടിയാണ് ഇപ്പോൾ. ഈ സാഹചര്യത്തിൽ വൈദ്യുതിയിൽ നിയന്ത്രണമേർപ്പെടുത്താതെ മുന്നോട്ട് പോകാനാകില്ലെന്നാണ് കെഎസ്ഇബിയുടെ വിശദീകരണം.