തിരുവനന്തപുരം: വയനാട് പുനരധിവാസത്തിനായി പിരിച്ച തുകയുടെ കണക്ക് കെപിസിസി പ്രസിഡൻ്റ് സണ്ണി ജോസഫ് പുറത്തുവിട്ടതിന് പിന്നാലെ പ്രതികരിച്ച് ഷാഫി പറമ്പിൽ എംപി. പുനരധിവാസത്തിനായി ഇനിയും തുക വേണ്ടി വരുമെന്ന് ഷാഫി പറമ്പിൽ എംപി ന്യൂസ് മലയാളത്തോട് പറഞ്ഞു.
പിരിച്ച തുകയേക്കാൾ കൂടുതൽ ഇതിനായി ചെലവാക്കേണ്ടി വരും. സർക്കാരിനെപ്പോലെ പണം ബാക്കി വരില്ലെന്നും മുഴുവൻ കണക്കുകളും ജനങ്ങളുടെ മുന്നിൽ അവതരിപ്പിക്കുമെന്നും ഷാഫി പറമ്പിൽ വ്യക്തമാക്കി. കാട്ടാക്കട നിയോജകമണ്ഡലത്തിൽ യുഡിഎഫ് സ്ഥാനാർഥി എം.ആർ. ബൈജുവിൻ്റെ പ്രചാരണത്തിനിടെയായിരുന്നു ഷാഫിയുടെ പ്രതികരണം.
ഭവന നിർമാണത്തിനായി കോൺഗ്രസിൻ്റെ ജോയിൻ്റ് അക്കൗണ്ടിൽ ആകെ ലഭിച്ചത് 5,38,21,632 രൂപയാണ് എന്ന് കെപിസിസി പ്രസിഡൻ്റ് സണ്ണി ജോസഫ് അറിയിച്ചിരുന്നു. ഈ തുക ഭൂമി വാങ്ങാനും ആപ്പിനുമായി ചെലവായി. നിലവിൽ അക്കൗണ്ടിൽ വീട് നിർമാണത്തിന് പണമില്ലെന്നും കെപിസിസിയുടെയും എഐസിസിയുടെയും ഫണ്ട് ഉപയോഗിച്ച് വീട് നിർമിക്കുമെന്നും സണ്ണി ജോസഫ് പറഞ്ഞിരുന്നു.