കൊല്ലം: ജില്ലയിൽ വീണ്ടും ഷിഗെല്ല രോഗബാധ സ്ഥിരീകരിച്ചു. പോരുവഴി സ്വദേശിയായ ഏഴ് വയസുകാരനാണ് രോഗം സ്ഥിരീകരിച്ചത്. ഏഴാമയിൽ സെന്റ് സെൻതോമസ് റസിഡൻഷ്യൽ സ്കൂളിലെ വിദ്യാർഥിയ്ക്കാണ് ഷിഗെല്ല സ്ഥിരീകരിച്ചത്.
കുട്ടിയുടെ ആരോഗ്യനില തൃപ്തികരമെന്നാണ് വിവരം. ഒരാഴ്ച മുമ്പ് സ്കൂളിലെ കുട്ടികൾക്ക് കൂട്ടത്തോടെ ഭക്ഷ്യവിഷബാധ ഏറ്റിരുന്നു. രോഗബാധ സ്ഥിരീകരിച്ച സാഹചര്യത്തിൽ സ്കൂളിലെ കൂടുതൽ കുട്ടികളുടെ സാമ്പിൾ എടുത്ത് പരിശോധിക്കുമെന്നാണ് റിപ്പോർട്ട്.