എറണാകുളം: അവയവദാനത്തിനായി വ്യാജരേഖ ഉണ്ടാക്കുന്നു എന്ന സംശയത്തിൽ ഫോട്ടോസ്റ്റോറ്റ് കടകളടക്കം വിവിധ സ്ഥാപനങ്ങളിൽ പൊലീസ് പരിശോധന നടത്തി. എറണാകുളം റൂറലിന് കീഴിലുള്ള മൂന്ന് സ്റ്റേഷൻ പരിധിയിലെ സ്ഥാപനങ്ങളിലാണ് പരിശോധന നടത്തിയത്.
അവയവദാനവുമായി ബന്ധപ്പെട്ട് പൊലീസിൻ്റെ വ്യാപകപരിശോധന ഏറെ നാളുകളായി നടക്കുന്നതാണ്. അതിൻ്റെ ഭാഗമായി ചില ക്രമക്കേടുകൾ കണ്ടെത്തിയതോടെയാണ് പൊലീസ് എറണാകുളം റൂറലിന് കീഴിലുള്ള മൂന്ന് സ്റ്റേഷൻ പരിധിയിലെ വിവിധ സ്ഥാപനങ്ങളിൽ പരിശോധന നടത്താൻ തുടങ്ങിയത്.
കഴിഞ്ഞ ദിവസം ഉച്ചയോടെയാണ് ഇത്തരത്തിൽ പരിശോധന ആരംഭിച്ചത്. ഫോട്ടോസ്റ്റാറ്റ് എടുക്കുന്ന കടകളിൽ അടക്കമാണ് ഇത്തരത്തിൽ പരിശോധന. ഇത്തരം കടകളിലടക്കം വ്യാജ സർട്ടിഫിക്കറ്റുകൾ ഉണ്ടാക്കുന്നതിന് വേണ്ടിയുള്ള സഹായങ്ങൾ ചെയ്തുവെന്നാണ് പൊലീസിൻ്റെ സംശയം.