കൽപ്പറ്റ: ജനവാസ മേഖലയിൽ കടുവ ഇറങ്ങിയതിന് പിന്നാലെ വയനാട് ജില്ലയിലെ ചില വിദ്യഭ്യാസ സ്ഥാപനങ്ങൾക്ക് നാളെ (16/12/2025) അവധി പ്രഖ്യാപിച്ചു. പനമരം, കണിയാമ്പറ്റ ഗ്രാമപഞ്ചായത്തുകളിലെ വാർഡുകളിലാണ് കടുവാ സാന്നിധ്യത്തെ തുടർന്ന് അവധി പ്രഖ്യാപിച്ചത്.
പനമരം ഗ്രാമപഞ്ചായത്തിലെ 6, 7, 8, 14, 15 വാര്ഡുകളിലും, കണിയാമ്പറ്റ ഗ്രാമപഞ്ചായത്തിലെ 5, 6, 7, 19, 20 വാര്ഡുകളിലുമാണ് അവധി. ഈ വാർഡുകളിലെ അംഗന്വാടികളും, മദ്രസകളും ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും നാളെ (16/12/2025) ന് ജില്ലാ കളക്ടർ ഡി.ആര്. മേഘശ്രീ അവധി പ്രഖ്യാപിച്ചു. നാളെ നടക്കാനിരുന്ന പരീക്ഷകളും മാറ്റിവയ്ക്കും.