ചാലക്കുടി , മുരിങ്ങൂർ അടിപ്പാതയിൽ വെള്ളം കയറി
തൃശ്ശൂർ വെട്ടുക്കാട് ഏഴാംകല്ല് റോഡുകളിലും വീടുകളിലും വെള്ളക്കെട്ട്
വാഴക്കോട് പ്ലാഴി സംസ്ഥാന പാതയില്‍ ആറ്റൂര്‍ കമ്പനിപ്പടി പ്രദേശത്ത് വെള്ളപ്പൊക്കം.
ഗതാഗതം തടസ്സപ്പെട്ടു. നാട്ടുകാരുടെ നേതൃത്വത്തില്‍ ഗതാഗതം നിയന്ത്രിക്കുന്നു.
വനമേഖലയില്‍ നിന്നും വലിയരീതിയില്‍ വെള്ളം കുത്തിയൊലിച്ച് സംസ്ഥാനപാത മുങ്ങി
ദിയ കൃഷ്ണയുടെ സ്ഥാപനത്തിലെ സാമ്പത്തിക ക്രമക്കേടില്‍ പ്രതികള്‍ കുറ്റം സമ്മതിച്ചു.
അട്ടകുളങ്ങര വനിതാ ജയിലില്‍ റിമാന്‍ഡില്‍ ആയിരുന്ന രണ്ട് പ്രതികളെ കഴിഞ്ഞ ദിവസമാണ് തെളിവെടുപ്പിനായി അന്വേഷണസംഘം കസ്റ്റഡിയില്‍ വാങ്ങിയത്
അറസ്റ്റിലായ ജീവനക്കാരെ കൊണ്ട് തട്ടിപ്പ് നടത്തിയ രീതി പുനരാവിഷ്‌കരിച്ച് ക്രൈംബ്രാഞ്ച് സംഘം
സിനിമാ നിര്‍മാതാക്കളുടെ സംഘടന തെരഞ്ഞെടുപ്പ് പത്രിക തള്ളിയതിനെതിരെ സാന്ദ്രാ തോമസ് ഹര്‍ജി നല്‍കി.
വരണാധികാരിക്കെതിരെ എറണാകുളം സബ്ബ് കോടതിയിലാണ് ഹര്‍ജി നല്‍കിയത്
രണ്ട് ബാനറില്‍ സിനിമ ചെയ്ത മറ്റ് രണ്ട് പേരുടെ പത്രിക അംഗീകരിച്ചപ്പോള്‍ തന്റേത് മാറ്റി
തെരഞ്ഞെടുപ്പ് നടപടിക്രമങ്ങള്‍ റദ്ദാക്കണമെന്നും ആവശ്യം
കഴിഞ്ഞ ദിവസം അന്തരിച്ച മലയാളത്തിന്റെ നിത്യഹരിതനായകന്‍ പ്രേംനസീറിന്റെ മകനും നടനുമായ ഷാനവാസിന്റെ സംസ്‌കാരം ഇന്ന്. വൈകിട്ട് 5 മണിക്ക് പാളയം മുസ്ലീം ജമാ അത്തില്‍ ഖബറടക്കും. വൃക്ക സംബന്ധമായ അസുഖത്തെ തുടര്‍ന്ന് ഇന്നലെ രാത്രി തിരുവനന്തപുത്തെ സ്വകാര്യ ആശുപത്രിയില്‍യായിരുന്നു അന്ത്യം.
രാവിലെ മുതല്‍ വഴുതക്കാടുള്ള വീട്ടില്‍ നടന്ന പൊതുദര്‍ശനത്തില്‍ മലയാള സിനിമ, സീരിയല്‍, രാഷ്ട്രീയ രംഗത്തെ പ്രമുഖര്‍ അനുസ്മരിച്ചു. 1981 ല്‍ ബാലചന്ദ്രമേനോന്‍ സംവിധാനം ചെയ്ത പ്രേമഗീതങ്ങള്‍ എന്ന സിനിമയിലൂടെയാണ് ഷാനവാസ് മലയാള ചലച്ചിത്രലോകത്ത് അരങ്ങേറ്റം കുറിച്ചത്. മലയാളത്തിലും തമിഴിലുമായി 96 ചിത്രങ്ങളില്‍ അദ്ദേഹം വേഷമിട്ടിട്ടുണ്ട്.
പാലക്കാട് വാണിയംകുളം പനയൂരില്‍ ശക്തമായ മലവെള്ളപ്പാച്ചില്‍. ഉരുള്‍പൊട്ടിയെന്ന സംശയം പങ്കുവെച്ച് പ്രദേശവാസികള്‍. പനയൂര്‍ ഇളംകുളം പ്രദേശവാസികള്‍ ഭയാനകമായ ശബ്ദം കേട്ടതായി പറയുന്നു. വീടുകളില്‍ നിന്നും ആളുകള്‍ ഇറങ്ങി ഓടി.
വീടുകളുടെ മുറ്റത്തേക്ക് മണ്ണും കല്ലുകളും വന്ന് നിറഞ്ഞിട്ടുണ്ട്. പ്രദേശത്ത് മൂന്ന് വീടുകളുടെ മതിലിടിഞ്ഞ് താഴ്ന്നു. 7 വീടുകളാണ് പ്രദേശത്തുള്ളത്. വാര്‍ഡ് മെമ്പര്‍ ഇ.പി. രഞ്ജിത്ത് സ്ഥലത്തെത്തി. റവന്യൂ അധികൃതരെ വിവരം അറിയിച്ചു.
സംസ്ഥാനത്ത് മഴ ശക്തി പ്രാപിക്കുന്നു. നാല് ജില്ലകളില്‍ റെഡ് അലേര്‍ട്ട് പ്രഖ്യാപിച്ചു. എട്ട് ജില്ലകളില്‍ ഓറഞ്ച് അലേര്‍ട്ടാണ്. എറണാകുളം, ഇടുക്കി, തൃശൂര്‍, മലപ്പുറം ജില്ലകളിലാണ് റെഡ് അലേര്‍ട്ട്. പത്തനംതിട്ട, ആലപ്പുഴ, കോട്ടയം, പാലക്കാട്, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളില്‍ റെഡ് അലേര്‍ട്ട്
നവീൻ ബാബുവിന്റെ മരണത്തിൽ തുടരന്വേഷണം ആവശ്യപ്പെട്ട് ഭാര്യ മഞ്ജുഷ വീണ്ടും കോടതിയിൽ. കണ്ണൂർ ഒന്നാം ക്ലാസ് മജിസ്ട്രേറ്റ് കോടതിയിലാണ് ഹർജി സമർപ്പിച്ചത്. ഹർജി ഫയലിൽ സ്വീകരിച്ച കോടതി പ്രോസിക്യൂഷന്റെ നിലപാടും തേടി.
സിപിഐ നേതാവും മുൻ ഹോസ്ദുർഗ്ഗ് എംഎൽഎയുമായ എം.നാരായണൻ്റെ നിര്യാണത്തിൽ മുഖ്യമന്ത്രി പിണറായി വിജയൻ അനുശോചിച്ചു