തൃശൂർ: പാലപ്പിള്ളിയിൽ കാട്ടാനയുടെ ആക്രമണത്തിൽ ആദിവാസി ഊരുമൂപ്പന് പരിക്ക്. നടാംപാടം കള്ളിചിത്ര ഉന്നതിയിലെ ഗോപാലനാണ് പരിക്കേറ്റത്. തേക്കിൻ തോട്ടത്തിൽ വിറക് എടുക്കാൻ പോയപ്പഴായിരുന്നു ആക്രമണം. ഗുരുതരമായി പരിക്കേറ്റ ഗോപാലൻ തൃശൂർ മെഡിക്കൽ കോളേജ് ആശുപത്രിയിൽ ചികിത്സയിലാണ്.
അതേസമയം, കണ്ണൂർ കേളകത്ത് ജനവാസ മേഖലയിൽ ഇറങ്ങിയ പുലി കൂട്ടിലായി. വനം വകുപ്പ് സ്ഥാപിച്ച കൂട്ടിലാണ് പുലി കുടുങ്ങിയത്. കഴിഞ്ഞ ദിവസങ്ങളിൽ നാല് ആടുകളെ പുലി കൊന്നിരുന്നു.