കൊൽക്കത്ത: കൊൽക്കത്തയിൽ നിന്ന് മുംബൈയിലേക്ക് പോകേണ്ടിയിരുന്ന എയർ ഇന്ത്യ വിമാനത്തിൽ ടേക്ക് ഓഫിന് തൊട്ടുമുൻപ് ഹൈജാക്ക് മുന്നറിയിപ്പ് ലഭിച്ചതിനെ തുടർന്ന് സുരക്ഷാ സേന പരിശോധന നടത്തി. കൊൽക്കത്തയിലെ നേതാജി സുഭാഷ് ചന്ദ്ര ബോസ് അന്താരാഷ്ട്ര വിമാനത്താവളത്തിൽ നിന്ന് പുറപ്പെടാനിരുന്ന എയർബസ് A320 നിയോ വിമാനത്തിലാണ് സംഭവം.
വിമാനത്തിലെ ബാത്ത് റൂമിൽ നിന്നാണ് ഹൈജാക്ക് ഭീഷണിയുള്ള സന്ദേശം കണ്ടെത്തിയത്. സന്ദേശം ശ്രദ്ധയിൽപ്പെട്ടയുടൻ തന്നെ പൈലറ്റ് വിവരം എയർ ട്രാഫിക് കൺട്രോളറെ അറിയിച്ചു.
തുടർന്ന് വിമാനം സുരക്ഷിതമായി ഐസൊലേഷൻ ബേയിലേക്ക് മാറ്റി. വിമാനത്തിലുണ്ടായിരുന്ന 93 യാത്രക്കാരെയും സുരക്ഷിതമായി താഴെയിറക്കി. ബോംബ് ഡിസ്പോസൽ സ്ക്വാഡും സുരക്ഷാ ഏജൻസികളും വിമാനത്തിൽ വിശദമായ പരിശോധന നടത്തി വരികയാണ്.