ഇന്ത്യൻ സംഗീത ഇതിഹാസം ആശാ ഭോസ്‌ലെ ആശുപത്രിയിൽ. ഇന്നലെ രാത്രിയാണ് ഹൃദയാഘാതത്തെ തുടർന്ന് 92കാരിയായ ആശാ ഭോസ്‌ലെയെ മുംബൈ ബ്രീച്ച് കാൻഡി ആശുപത്രിയിൽ പ്രവേശിപ്പിച്ചത്. ശ്വാസകോശ സംബന്ധമായ അണുബാധയും കടുത്ത ക്ഷീണവും ആശാ ഭോസ്‌ലെയ്ക്ക് ഉണ്ടെന്ന് ഡോക്ടർമാർ അറിയിച്ചു.
അത്യാഹിത വിഭാഗത്തിൽ വിദ്ഗധ മെഡിക്കൽ സംഘത്തിന്റെ നിരീക്ഷണത്തിലാണ് ആശ ഭോസ്‌ലെ. അനാവശ്യ വാർത്തകൾ പ്രചരിപ്പിക്കുന്നത് ഒഴിവാക്കണം എന്നും കുടുംബത്തിന്റെ സ്വകാര്യത മാനിക്കണമെന്നും കൊച്ചുമകൾ സനായ് ഭോസ്‌ലെ അഭ്യർഥിച്ചു.