ഡൽഹി: ഇത്തവണ പശ്ചിമ ബംഗാളിൽ സിപിഐഎം അക്കൗണ്ട് തുറക്കുമെന്ന് ജനറൽ സെക്രട്ടറി എം.എ. ബേബി. 2021ലെ ബംഗാൾ തെരഞ്ഞെടുപ്പിൽ കോൺഗ്രസ് കൂട്ടുകെട്ട് പരാജയമായിരുന്നു എന്ന് എം.എ. ബേബി ന്യൂസ് മലയാളത്തോട് പറഞ്ഞു.
കോൺഗ്രസ് സിപിഐഎമ്മിന് വോട്ട് ചെയ്തില്ല, മറിച്ച് സിപിഐഎം കോൺഗ്രസിന് വോട്ട് ചെയ്തു. ഇത് ജനങ്ങൾക്ക് മുമ്പിൽ ഉണ്ടെന്നും എം.എ. ബേബി ചൂണ്ടിക്കാട്ടി. ബംഗാളിൽ ഇത്തവണ അക്കൗണ്ട് തുറക്കുമെന്നും എം.എ.ബേബി കൂട്ടിച്ചേർത്തു.
അതേസമയം, നിയമസഭാ തെരഞ്ഞെടുപ്പിൽ എൽഡിഎഫിന് എതിരായി എതിരായി മതന്യൂനപക്ഷ ഏകീകരണം ഉണ്ടായിട്ടില്ലെന്നും എം.എ. ബേബി പറഞ്ഞു. തദ്ദേശ തെരഞ്ഞെടുപ്പിൽ ഇടത് മുന്നണിക്ക് എതിരായി വോട്ട് ചെയ്ത ന്യൂനപക്ഷങ്ങൾ നിയമസഭാ തെരഞ്ഞെടുപ്പിൽ എൽഡിഎഫിന് വോട്ട് ചെയ്തിട്ടുണ്ട്. കേരളത്തിൽ ഭരണവിരുദ്ധ വികാരം ഇല്ലെന്നും, യുഡിഎഫ് രാഷ്ട്രീയ ചതി നടത്തിയെന്നും എം.എ. ബേബി ന്യൂസ് മലയാളത്തോട് പറഞ്ഞു.