പൂക്കള് എല്ലാവര്ക്കും ഇഷ്ടമാണ്. പലനിറത്തിലും പല ആകൃതിയുലുമുള്ള പൂക്കള് കണ്ണിന് കുളിര്മയേകുന്ന കാഴ്ചയാണ്. അത്തരത്തില് കണ്ണും മനസും നിറയ്ക്കുന്ന ഒരു ഫ്ളവര് ഷോ ആണ് ഫിലാഡല്ഫിയയില് ഒരുക്കിയിരിക്കുന്നത്. ആ വിശേഷങ്ങള് കണ്ട് വരാം.
വിവിധ തരം പൂക്കള് നിറഞ്ഞിരിക്കുകയാണ് ഫിലാഡല്ഫിയയിലെ ഫ്ളവര് ഷോയില്. പെന്സില്വാനിയ കണ്വെന്ഷന് സെന്ററിനുള്ളില് വര്ണവിസ്മയം തീര്ത്താണ് ഹോര്ട്ടികള്ച്ചറല് സൊസൈറ്റിയുടെ ഫ്ളവര് ഷോ നടക്കുന്നത്. മനോഹരമായ പുഷ്പാലങ്കാരങ്ങളാല് ഇവിടം നിറഞ്ഞിരിക്കുന്നു.
ഒറിജിന്സ് ഓഫ് അമേരിക്കന് ഗാര്ഡനിംഗ് എന്ന പ്രമേയത്തില് ആണ് ഇത്തവണ ഫ്ളവര് ഷോ. ഒരുക്കിയിരിക്കുന്നത്. വിവിധയിനം പുഷ്പങ്ങളാല് ഒരുക്കിയ വിസ്മയക്കാഴ്ചകള് കാണാന് സന്ദര്ശകരുടെ വലിയ തിരക്കാണ് അനുഭവപ്പെടുന്നത്. വൈറ്റ് ഓര്ക്കിഡുകള്, വിവിധ നിറങ്ങളിലുള്ള ട്യൂലിപ്സ് എന്നിവയാല് സമൃദ്ധമായ ഫ്ളവര് ഷോ സന്ദര്ശകര്ക്ക് ദൃശ്യവിരുന്നൊരുക്കുകയാണ്.
ഒരു മാന്ത്രിക ലോകത്തിലൂടെ സഞ്ചരിക്കുന്ന അനുഭൂതിയാണ് ഫ്ളവര് ഷോ സന്ദര്ശകര്ക്ക് നല്കുന്നത്. 197 ആം വര്ഷത്തിലേക്ക് കടക്കുന്ന ഫിലാഡല്ഫിയ ഫ്ളവര് ഷോ, ലോകത്തിലെ ഏറ്റവും വലുതും പഴക്കമേറിയതുമായ ഇന്ഡോര് പുഷ്പമേളയാണ്. വര്ഷം തോറും രണ്ടരലക്ഷത്തിലധികം പേരാണ് ഈ ദൃശ്യവിരുന്ന് ആസ്വദിക്കാന് ഇവിടെയെത്തുന്നത്.