യൂറോപ്പിലെ നോർത്ത് മാസിഡോണിയയിലെ ഒരു ഘോഷയാത്രയുടെ കാഴ്ചകളാണ് ഇപ്പോൾ വൈറലായിരിക്കുന്നത് . വ്യത്യസ്ത വേഷവിധാനങ്ങളോടെ മാസ്കും ധരിച്ച് കിലോമീറ്ററുകളോളം ആളുകൾ പരേഡ് നടത്തും. ശൈത്യകാലത്ത് ആത്മാക്കളെ ഘോഷയാത്രയിലൂടെ തുരത്തുന്നുവെന്നാണ് വിശ്വാസം.
1400 വർഷങ്ങൾക്ക് മുമ്പ് ആരംഭിച്ചതാണ് മാസിഡോണിയൻ നഗരമായ വെവ്കാനിയിലെ കാർണിവൽ ആഘോഷങ്ങൾ. ഭൂതങ്ങളുടേതിന് സമാനമായ വേഷം ധരിച്ച് ആളുകൾ ഘോഷയാത്രത്തിൽ പങ്കെടുക്കും. കുട്ടികൾ മുതൽ പ്രായമായവർ വരെ യാത്രയുടെ ഭാഗമാകും.
വെവ്കാനിയിലെ കിലോമീറ്ററുകളോളം നീണ്ടുകിടക്കുന്ന വഴിയിലൂടെ പരേഡ് പോലെ അവർ നടന്ന് നീങ്ങും. ആത്മാക്കളെ ഘോഷയാത്രയിലൂടെ തുരത്തുന്നുവെന്നാണ് ഇക്കൂട്ടരുടെ വിശ്വാസം. കാലം മാറിയതിന് അനുസരിച്ച് പോപ്പ് കൾച്ചറും ആനുകാലിക രാഷ്ട്രീയ സാഹചര്യങ്ങളും ആഘോഷങ്ങളെ സ്വാധീനിച്ചിട്ടുണ്ട്.