വാഷിംങ്ടൺ: ഹോർമുസ് കടലിടുക്കിലെ കപ്പൽ ഗതാഗതവുമായി ബന്ധപ്പെട്ട് ഇറാനുമായി ഒമാൻ സഹകരിച്ചാൽ കനത്ത തിരിച്ചടി ഉണ്ടാകുമെന്ന് യുഎസ് പ്രസിഡൻ്റ് ഡൊണൾഡ് ട്രംപ് മുന്നറിയിപ്പ് നൽകി. ഒമാൻ സഹകരണം തുടർന്നാൽ ആക്രമിക്കും.
ഇറാനും ഒമാനും തമ്മില് ഹോര്മുസ് വിഷയത്തില് ചര്ച്ച നടത്തി ധാരണയിലെത്തി എന്ന വിവരം പുറത്തു വന്നതിന് പിന്നാലെയാണ് ട്രംപിൻ്റെ പ്രതികരണം. ഇറാനുമായി സമാന്തര ചര്ച്ചകളുമായി മുന്നോട്ട് പോയാല് ഒമാനില് ബോംബിടുമെന്നും ട്രംപ് വ്യക്തമാക്കി.
ഹോർമുസ് കടലിടുക്കിലെ നിയന്ത്രണത്തെച്ചൊല്ലി ഇറാനും യുഎസും തമ്മിൽ തർക്കം രൂക്ഷമാകുകയാണ്. കപ്പൽ ഗതാഗതം സുഗമമാക്കുന്നതുമായി ബന്ധപ്പെട്ട് ഇറാനും ഒമാനും തമ്മിൽ ധാരണയിലെത്തിയതായി റിപ്പോർട്ടുകൾ വന്നിരുന്നു. ഈ നീക്കം യുഎസ് തന്ത്രങ്ങൾക്ക് തിരിച്ചടിയാകുമെന്ന വിലയിരുത്തലിലാണ് ട്രംപിൻ്റെ അന്ത്യശാസനം.