ന്യൂയോർക്ക്: പശ്ചിമേഷ്യയിൽ സംഘർഷം തുടരുന്നതിനിടെ എണ്ണ വ്യാപാരത്തിലെ ഇന്ത്യൻ നിലപാടിനെ പ്രശംസിച്ച് യുഎസ്. അമേരിക്ക പറയുന്നത് പോലെ ചെയ്യുന്നതാണ് ഇന്ത്യയുടെ നിലവിലെ രീതിയെന്നും അതാണ് റഷ്യൻ എണ്ണ വാങ്ങാൻ ഇളവ് നൽകാൻ കാരണമായതെന്നും യുഎസ് ട്രഷറി സെക്രട്ടറി സ്കോട്ട് ബെസ്സെൻ്റ് പറഞ്ഞു.
"ആദ്യം റഷ്യയിൽ നിന്നും എണ്ണ വാങ്ങേണ്ടെന്ന് യുഎസ് പറഞ്ഞപ്പോൾ ഇന്ത്യ അത് അനുസരിച്ചു, എന്നാൽ ഇപ്പോൾ അനുമതി നൽകിയപ്പോൾ അതും സമ്മതിച്ചു. ഇന്ത്യക്ക് റഷ്യന് എണ്ണ വാങ്ങാന് നല്കിയിരിക്കുന്ന അനുമതി താല്ക്കാലികം മാത്രമാണ്. കടലില് കുടുങ്ങിക്കിടക്കുന്ന കപ്പലുകളിലെ എണ്ണ വാങ്ങാന് മാത്രമാണ് അനുമതി നല്കിയിരിക്കുന്നത്," യുഎസ് ട്രഷറി സെക്രട്ടറി വ്യക്തമാക്കി.
"ലോകത്തെങ്ങും എണ്ണ സുലഭമാണ്. നമ്മുടെ സഖ്യകക്ഷിയായ ഇന്ത്യക്ക് റഷ്യയെ എണ്ണ വാങ്ങാൻ അനുവദിക്കാൻ ട്രഷറി വകുപ്പ് ഇന്നലെ സമ്മതിച്ചു. ഇന്ത്യക്കാർ വളരെ നല്ല അഭിനേതാക്കളായിരുന്നു. റഷ്യൻ എണ്ണ വാങ്ങുന്നത് നിർത്താൻ ഞങ്ങൾ അവരോട് ആവശ്യപ്പെട്ടിരുന്നു. അവർ അങ്ങനെ ചെയ്തു. പകരം അവർ യുഎസ് എണ്ണ വാങ്ങാൻ പോവുകയായിരുന്നു. എന്നാൽ ലോകമെമ്പാടുമുള്ള താൽക്കാലിക എണ്ണ ലഭ്യതക്കുറവ് നികത്താൻ, റഷ്യൻ എണ്ണ സ്വീകരിക്കാൻ ഞങ്ങൾ അവർക്ക് അനുമതി നൽകിയിട്ടുണ്ട്. മറ്റ് റഷ്യൻ എണ്ണയുടെ ഉപരോധവും ഞങ്ങൾ പിൻവലിക്കാം," യുഎസ് ട്രഷറി സെക്രട്ടറി സ്കോട്ട് ബെസെൻ്റ് വെള്ളിയാഴ്ച ഫോക്സ് ബിസിനസിന് നൽകിയ അഭിമുഖത്തിൽ പറഞ്ഞു.
"കപ്പലുകളിൽ കയറ്റിയ അനുവദനീയമായ കോടിക്കണക്കിന് ബാരൽ അസംസ്കൃത എണ്ണ നിലവിലുണ്ട്. അവയ്ക്ക് തിരിച്ചെടുത്ത് ട്രഷറിക്ക് വിതരണം ചെയ്യാൻ കഴിയും. ഞങ്ങൾ അത് നോക്കുകയാണ്. ഈ സംഘർഷ സമയത്ത് വിപണിയിൽ ആശ്വാസം പകരുന്നതിനുള്ള പ്രഖ്യാപനങ്ങൾ ഞങ്ങൾ തുടരും" യുഎസ് പ്രതിനിധി കൂട്ടിച്ചേർത്തു.