പൗരന്മാരുടെ കുടിയേറ്റക്കാരായ പങ്കാളികൾക്കായി പൗരത്വഭേദഗതി പദ്ധതിയുമായി യുഎസ്. യുഎസ് പ്രസിഡൻ്റായ   ബൈഡനാണ് ഇന്ന് മുതൽ പുതിയ പദ്ധതി കൊണ്ടുവരാൻ ഉത്തരവിട്ടത്. യുഎസിലേക്ക് നിയമവിരുദ്ധമായി കുടിയേറി, കാലങ്ങളായി ഇവിടെ താമസിക്കുന്ന ആളുകൾക്ക് നിയമസാധുത നൽകുന്ന ഈ പദ്ധതി വലിയ നീക്കമായാണ് വിലയിരുത്തപ്പെടുന്നത്.

READ MORE: 'ചന്ദ്രന്റെ തിളക്കമല്ല, നിഗൂഢതയാണ് താരാകാശത്ത് ' ; ഹേമ കമ്മിറ്റി റിപ്പോര്‍ട്ട് തുടങ്ങുന്നത് ഇങ്ങനെ...

നവംബർ അഞ്ചിന് യുഎസിൽ പ്രസിഡൻ്റ് തെരഞ്ഞെടുപ്പ് നടക്കാനിരിക്കെയാണ് പൗരത്വഭേദ​ഗതി നിലവിൽ വരുന്നത്. തെരഞ്ഞെടുപ്പിൽ റിപ്പബ്ലിക്കൻ സ്ഥാനാ‍ർഥി ഡൊണാൾഡ് ട്രംപിൻ്റെ പ്രധാന ശ്രദ്ധാകേന്ദ്രം പൗരത്വഭേദഗതിയാണെന്നിരിക്കെയാണ് ബൈഡൻ പുതിയ പദ്ധതിയുമായി രം​ഗത്തെത്തുന്നത്.

READ MORE: 'ഇനിയാണ് ഞങ്ങളുടെ ജോലി ആരംഭിക്കുന്നത്'; റിപ്പോര്‍ട്ട് പുറത്തുവന്നതില്‍ സന്തോഷം: രേവതി

39 വയസുകാരനായ മി​ഗ്വേൽ അലേമൻ, നാലാമത്തെ വയസിലാണ് ആയിരക്കണക്കിന് മറ്റ് അഭയാർഥികളോടൊപ്പം മെക്സിക്കോയിൽ നിന്നും അമേരിക്കയിലെത്തിയത്. യുഎസ് പൗരയായ ഭാര്യയും, രണ്ട് മക്കളുമുള്ള ഊബ‍ർ ഡ്രൈവറായ മി​ഗ്വേൽ അലേമന് ഈ പദ്ധതി നിലവിൽ വരാതിരുന്നാൽ, തിരിച്ച് മെക്സിക്കോയിലേക്ക് പോവുകയും, ഒരു ദശാബ്ദത്തിലേറെ അവിടെ കഴിയുകയും ചെയ്താൽ മാത്രമാണ് നിയമാനുസൃതമായി യുഎസിലേക്ക് തിരിച്ചുവരാൻ സാധിക്കുക. സമാന സാഹചര്യത്തിലാണ് ഇത്തരത്തിൽ മറുദേശങ്ങളിൽ നിന്നും യുഎസിലേക്കെത്തിയ ലക്ഷക്കണക്കിന് പേ‍രും.

READ MORE: റിപ്പോർട്ട്‌ പൂർണമായി പഠിച്ച് ഒരാഴ്ചക്കകം പ്രതികരിക്കും, സർക്കാരുമായി സഹകരിക്കും; AMMA

ജൂണിൽ പ്രഖ്യാപിക്കപ്പെട്ട പദ്ധതിയോടെ അഞ്ച് ലക്ഷത്തിലേറെ യുഎസ് പൗരന്മാരുടെ പങ്കാളികൾക്ക് പൗരത്വം ലഭിക്കും. ജൂൺ 17ഓടെ യുഎസിൽ പത്ത് വ‍ർഷം തികഞ്ഞ യുഎസ് പൗരന്മാരുടെ പങ്കാളികൾക്കാണ് ഇതോടെ പൗരത്വം ലഭിക്കുക. യുഎസ് പൗരത്വമുള്ള രക്ഷിതാവിൻ്റെ 21 വയസിൽ താഴെയുള്ള മക്കൾക്കും ഈ പദ്ധതിയോടെ യുഎസിൽ തുടരാനാകും. കുടുംബങ്ങളെ ഒരുമിച്ച് ജീവിക്കാൻ അനുവദിക്കുകയെന്ന ലക്ഷ്യമാണ് ഈ പദ്ധതിക്ക് പിന്നിലെന്ന് ബൈഡൻ ഭരണസമിതി അറിയിച്ചു.