ഡൊണാൾഡ് ട്രംപ് ഭരണകൂടത്തിന് കീഴിലുള്ള ഗവൺമെൻ്റ് എഫിഷ്യൻസി (DOGE) വകുപ്പിൻ്റെ തലവനായ ഇലോൺ മസ്‌കിന് വൈറ്റ് ഹൗസിൽ ഓഫീസുണ്ടാകുമോ എന്ന അഭ്യൂഹത്തിന് ഒടുവിൽ വിരാമം. ടെസ്‌ല മേധാവി മസ്‌കിനും സംഘത്തിനും പ്രത്യേക ഓഫീസ് ആരംഭിക്കുമെന്നും ഡൊണാൾഡ് ട്രംപ് വ്യക്തമാക്കി. ഈ ഓഫീസ് വൈറ്റ് ഹൗസിന് പുറത്തായിരിക്കുമെന്നും ട്രംപ് വ്യക്തമാക്കി.

ALSO READ:ലോകാരോഗ്യ സംഘടനയില്‍ നിന്നുള്ള യു.എസ് പിന്മാറ്റം; ട്രംപ് പറയുന്ന കാരണങ്ങളും തിരിച്ചടികളും

"ഇല്ല, ഇല്ല, അല്ല - ഇത് ഇലോണിൻ്റെ ഓഫീസ് അല്ല. അതിന് വേണ്ടി മറ്റൊരു ഓഫീസ് തയ്യാറാക്കും. ഏകദേശം 20- 25ഓളം പേർ അവിടെ നിന്ന് ജോലി ചെയ്യും," ട്രംപ് വ്യക്തമാക്കി. പത്രസമ്മേളനത്തിൽ വെസ്റ്റ് വിംഗിൽ മസ്കിന് ഓഫീസുണ്ടോ എന്ന ട്രംപിൻ്റെ ചോദ്യത്തിനാണ് പ്രസിഡൻ്റ് മറുപടി പറഞ്ഞത്.

ALSO READ:"ഫ്രണ്ടിനെ കാണാൻ യുഎസ് പ്രസിഡൻ്റ്"; മോദി-ട്രംപ് കൂടിക്കാഴ്ച ഫെബ്രുവരിയില്‍

ടൈംസ് റിപ്പോർട്ടനുസരിച്ച് വൈറ്റ് ഹൗസ് ഗ്രൗണ്ടിലുള്ള ഐസൻഹോവർ എക്സിക്യൂട്ടീവ് ഓഫീസ് കെട്ടിടത്തിലാണ് മസ്‌കിൻ്റെ സീനിയർ ലീഡർഷിപ്പ് ടീം പ്രവർത്തിക്കുക.ജനുവരി 20നാണ് അമേരിക്കയുടെ 47-ാമത് പ്രസിഡൻ്റായി റിപ്പബ്ലിക്കൻ പാർട്ടി നേതാവ് ഡൊണാൾഡ് ട്രംപ് സ്ഥാനമേറ്റത്.