തിരുവനന്തപുരം: കേരളത്തിൽ ബിജെപി-സിപിഐഎം ഡീലെന്ന രാഹുൽ ഗാന്ധിയുടെ ആരോപണം തള്ളി ബിജെപി ദേശീയ അധ്യക്ഷൻ നിതിൻ നബിൻ. കേരളത്തിൽ ഒത്തു തീർപ്പ് രാഷ്ട്രീയം നടത്തുന്നത് കോൺഗ്രസ് ആണെന്നും കേരളത്തിൽ ബിജെപി അധികാരത്തിൽ വരുമെന്നും നിതിൻ പറഞ്ഞു.
ശബരിമല സ്വർണ്ണക്കൊള്ളയിൽ കോൺഗ്രസിന്റെ നിലപാട് ജനങ്ങൾ കണ്ടതാണെന്ന് ദേശീയ അധ്യക്ഷൻ പറഞ്ഞു. നരേന്ദ്രമോദിയുടെ വികസന പ്രവർത്തനങ്ങൾ കേരളത്തിലും ലഭ്യമാകുമെന്നും വികസിത കേരളം ആണ് ബിജെപി ലക്ഷ്യമിടുന്നതെന്നും നിതിൻ നബിൻ പറഞ്ഞു