കാസർഗോഡ്: ഷാനവാസ് പാദൂരിനെതിരെ വിദ്വേഷ പരാമർശവുമായി വനിതാ ലീഗ് നേതാവ്. വനിതാ ലീഗ് ജില്ലാ സെക്രട്ടറി ആയിഷത്ത് ഫർസാനയാണ് വിദ്വേഷ പരാമർശം നടത്തിയത്. കപട വിശ്വാസിയുടെ പണിയെടുക്കുന്നവൻ എന്നാണ് ഷാനവാസിനെ പ്രസംഗത്തിൽ പരാമർശിച്ചത്.
മുള്ളേരിയയിലെ യുഡിഎഫ് കുടുംബ യോഗത്തിലെ പ്രസംഗത്തിലാണ് വിദ്വേഷ പരാമർശം നടത്തിയത്. പ്രസംഗത്തിനെതിരെ എൽഡിഎഫ് തെരഞ്ഞടുപ്പ് കമ്മീഷന് പരാതി നൽകി. കാസർഗോഡ് മണ്ഡലത്തിലെ എൽഡിഎഫ് സ്വതന്ത്ര സ്ഥാനാർഥിയാണ് ഷാനവാസ് പാദൂർ.