വാഹന പ്രേമികൾക്ക് സന്തോഷ വാർത്ത. ജെഎസ്ഡബ്ല്യു എംജി മോട്ടോർ ഇന്ത്യ പുതിയ കാർ പുറത്തിറക്കാനൊരുങ്ങുന്നു. ജൂലൈ 16ന് ഒരു പുതിയ 'ന്യൂ എനർജി വെഹിക്കിൾ' പുറത്തിറക്കുമെന്നാണ് കമ്പനി അറിയിച്ചിരിക്കുന്നത്. എന്നാൽ വാഹനത്തിന്റെ പേര് കമ്പനി ഇതുവരെ വെളിപ്പെടുത്തിയിട്ടില്ല. അന്താരാഷ്ട്ര വിപണിയിലെ വുളിങ് സ്റ്റാർലൈറ്റ് 560 അടിസ്ഥാനമാക്കിയുള്ള ഈ പുതിയ എസ്യുവി, പ്ലഗ്-ഇൻ ഹൈബ്രിഡ്, ഫുൾ ഇലക്ട്രിക് ഓപ്ഷനുകളിലെത്തുമെന്നാണ് സൂചന.
"ഇന്റർനെറ്റ് ഇൻസൈഡ് ഇന്ത്യയുടെ ഡ്രൈവിങ് അനുഭവത്തെ മാറ്റിമറിച്ചു. ഇനി ന്യൂ എനർജി വെഹിക്കിൾസിന്റെ യുഗത്തിനുള്ള സമയമാണ്" എന്നാണ് കമ്പനി പുറത്തിറക്കിയ ടീസറിൽ പറയുന്നത്. 2019ൽ കണക്റ്റഡ് കാർ സാങ്കേതികവിദ്യ ജനപ്രിയമാക്കിയ എംജി ഹെക്ടറിനെ അനുസ്മരിപ്പിക്കുന്നതാണ് ഈ സന്ദേശം. ഇത്തവണ, എംജിയുടെ ശ്രദ്ധ ന്യൂ എനർജി വെഹിക്കിൾസിലാണ്.
ജൂലൈ മാസം പുത്തന് നാമത്തിലായിരിക്കും ഈ പ്ലഗ്-ഇന് ഹൈബ്രിഡ് എസ്യുവിയെ കമ്പനി ഇന്ത്യന് വിപണിക്ക് പരിചയപ്പെടുത്തുക. ഇതിന്റെ ലോഞ്ചും വില പ്രഖ്യാപനവും വരാനിരിക്കുന്ന ദീപാവലി ഉത്സവ സീസണോട് അനുബന്ധിച്ച് നടക്കുമെന്നാണ് റിപ്പോർട്ടുകൾ. രാജ്യാന്തര വിപണിയില് പെട്രോള്, പ്ലഗ്-ഇന് ഹൈബ്രിഡ് (PHEV), പ്യുവര് ഇലക്ട്രിക് (EV) എന്നീ മൂന്ന്പവര്ട്രെയിന് ഓപ്ഷനുകളിലാണ് വൂലിങ് സ്റ്റാര്ലൈറ്റ് ലഭ്യമാകുന്നത്. ഇന്ത്യന് വിപണിയിലേക്ക് വരുമ്പോള് പ്ലഗ്-ഇന് ഹൈബ്രിഡ്, പ്യുവര് ഇലക്ട്രിക് എന്നീ രണ്ട് ഓപ്ഷനുകളും എംജി നല്കിയേക്കും. ഇതിന്റെ പ്ലഗ്-ഇന് ഹൈബ്രിഡ് വേരിയന്റില് 1.5 ലിറ്റര് പെട്രോള് എഞ്ചിനാണ് ലഭിക്കുക.
ഈ എഞ്ചിന് 20.5 kWh കപ്പാസിറ്റിയുള്ള ബാറ്ററി പായ്ക്കുമായി ബന്ധിപ്പിച്ച് ആകെ 197 bhp പവറും 230 Nm ടോര്ക്കും ഉത്പാദിപ്പിക്കുന്നു. ഈ ഹൈബ്രിഡ് സിസ്റ്റത്തിന്റെ ഏറ്റവും വലിയ സവിശേഷത എഞ്ചിന് സഹായമില്ലാതെ കേവലം ഇലക്ട്രിക് കരുത്തില് മാത്രം 100 കിലോമീറ്റര് ദൂരം വരെ സഞ്ചരിക്കാനാകും എന്നതാണ്. ദൈനംദിന സിറ്റി ഡ്രൈവുകള് പൂര്ണമായും ഇന്ധനച്ചെലവില്ലാതെ പൂര്ത്തിയാക്കാന് ഇത് ഉപഭോക്താക്കളെ സഹായിക്കും.
ഇതിന്റെ പ്യുവര് ഇലക്ട്രിക് (EV) പതിപ്പില് 56.7 kWh ശേഷിയുള്ള വലിയൊരു ബാറ്ററി പായ്ക്കാണ് സ്ഥാനം പിടിക്കുന്നത്. ഫ്രണ്ട് മൗണ്ടഡ് ഇലക്ട്രിക് മോട്ടോറുമായി ചേരുമ്പോള് ഇത് 136 bhp പവറും 200 Nm ടോര്ക്കും ഉത്പാദിപ്പിക്കുന്ന. ഒറ്റത്തവണ പൂര്ണമായി ചാര്ജ് ചെയ്താല് 500 കിലോമീറ്റര് വരെ ഡ്രൈവിംഗ് റേഞ്ച് നല്കാന് ഈ ഇലക്ട്രിക് വേരിയന്റിന് സാധിക്കുമെന്നാണ് കമ്പനി അവകാശപ്പെടുന്നത്.
ദീര്ഘദൂര യാത്രകള് തടസമില്ലാതെ പൂര്ത്തിയാക്കാന് ഈ അത്യാധുനിക ബാറ്ററി സാങ്കേതികവിദ്യ ഇന്ത്യന് ഉപഭോക്താക്കള്ക്ക് വലിയ പിന്തുണയേകും. വൂലിംഗ് സ്റ്റാര്ലൈറ്റ് എസ്യുവിക്ക് സമാനമായി ഈ പുതിയ എംജി മോഡലിനും 4,745 mm നീളവും 1,850 mm വീതിയും 1,755 mm ഉയരവുമുണ്ടാകും. 2,810 mm നീളമുള്ള വലിയ വീല്ബേസ് ഉള്ളതിനാല് ക്യാബിനില് മികച്ച സ്പെയ്സ് ഉറപ്പാക്കാന് ഈ വാഹനത്തിന് സാധിക്കുന്നുണ്ട്.
വലിപ്പത്തിന്റെ കാര്യത്തിൽ, ഇത് എംജി ഹെക്ടറിനേക്കാൾ വലുതായിരിക്കാം. 5-സീറ്റർ, 7-സീറ്റർ കോൺഫിഗറേഷനുകളിൽ എസ്യുവി വാഗ്ദാനം ചെയ്യുന്നു. ഡിസൈൻ അനുസരിച്ച്, ബോക്സി സ്റ്റൈലിങ്, ഒരു വലിയ ഫ്രണ്ട് ഗ്രിൽ, എൽഇഡി ലൈറ്റിംഗ്, വീതിയേറിയ വീൽ ആർച്ചുകൾ, ശക്തമായ റോഡ് സാന്നിധ്യം എന്നിവ ഇതിൽ ഉൾപ്പെടുന്നു. പിൻഭാഗത്ത്, കണക്റ്റുചെയ്ത എൽഇഡി ടെയിൽലൈറ്റുകൾ, നേരായ ടെയിൽഗേറ്റ്, ഒരു റൂഫ് സ്പോയിലർ എന്നിവ ഇതിന് ഒരു ആധുനിക രൂപം നൽകുന്നു.
12.8 ഇഞ്ച് വലിപ്പമുള്ള ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റവും 8.8 ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്ററും ഈ ആഗോള മോഡലിൽ ഉൾപ്പെടുന്നു. കൂടാതെ, ഓട്ടോമാറ്റിക് ക്ലൈമറ്റ് കൺട്രോൾ, കണക്റ്റഡ് കാർ സാങ്കേതികവിദ്യ, ഒന്നിലധികം എയര്ബാഗുകള്, നിരവധി കംഫർട്ട് സവിശേഷതകൾ എന്നിവ നൽകിയിട്ടുണ്ട്. പ്രീമിയം എസ്യുവി വാങ്ങുന്നവരെ ആകർഷിക്കുന്നതിനായി ഇന്ത്യൻ വിപണിക്കായി എംജി കൂടുതൽ സവിശേഷതകൾ ചേർത്തേക്കാം.