കൊച്ചി: ആട് 3 സിനിമയുടെ ചിത്രീകരണത്തിനിടെ നടന് വിനായകന് പരിക്ക്. നടനെ കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ചു.
സംഘട്ടന രംഗങ്ങള് ചിത്രീകരിക്കുന്നതിനിടെയാണ് പരിക്കെന്നാണ് പുറത്തുവരുന്ന വിവരം. ആറാഴ്ചയോളം വിശ്രമം വേണമെന്നാണ് ഡോക്ടര്മാര് നിര്ദേശിച്ചിരിക്കുന്നത്. തോള് എല്ലിന് പരിക്കേറ്റുവെന്നാണ് ലഭിക്കുന്ന വിവരം.
ആട് ഒരു ഭീകര ജീവിയാണ്, ആട് 2 എന്നിവയ്ക്ക് ശേഷം എപ്പിക്-ഫാന്റസി ചിത്രമായാണ് മിഥുന് മാനുവല് തോമസ് 'ആട് 3' അണിയിച്ചൊരുക്കുന്നത്. വമ്പന് ബജറ്റില് നിര്മിക്കുന്ന സിനിമയുടെ ചിത്രീകരണം പുരോഗമിക്കുകയാണ്.
ജയസൂര്യ, വിനായകന്, വിജയ് ബാബു, സൈജു കുറുപ്പ്, സണ്ണി വെയ്ന്, ഇന്ദ്രന്സ് എന്നിവര് ഉള്പ്പെടെ 'ആട് യൂണിവേഴ്സി'ലെ താരങ്ങള് ഈ ചിത്രത്തില് വീണ്ടും ഒന്നിക്കുന്നു. ചിത്രത്തെ കുറിച്ചുള്ള കൂടുതല് വിവരങ്ങള് വൈകാതെ പുറത്തുവരും. ഫ്രൈഡേ ഫിലിം ഹൗസിനൊപ്പം വേണു കുന്നപ്പിള്ളി നേതൃത്വം നല്കുന്ന കാവ്യാ ഫിലിം കമ്പനിയും ചേര്ന്നാണ് ഈ ബിഗ് ബജറ്റ് ചിത്രം നിര്മിക്കുന്നത്.