കൊച്ചി: ഇൻ്റർനാഷണൽ പോസ്റ്റ് ഓഫീസിൽ നിന്ന് വിദേശത്തേക്ക് അയക്കേണ്ട ഫോറിൻ പാർസലുകൾ കെട്ടികിടക്കുന്നു. തപാൽ ചാക്കുകൾ ഇല്ലാത്തതാണ് പാർസലുകൾ കെട്ടി കിടക്കാൻ കാരണമെന്നാണ് റിപ്പോർട്ട്.
ടെണ്ടറുകൾ വിളിച്ച് ബാഗുകൾ ലഭ്യമാക്കുന്നതിൽ വീഴ്ച സംഭവിച്ചതാണ് സർവീസ് തടസപ്പെടാൻ കാരണം. ഇതോടെ നൂറുകണക്കിന് പാർസലുകൾ ഓഫീസിൻ്റെ പലയിടങ്ങളിലായി കിടക്കുകയാണ്. ഇക്കാര്യത്തിൽ പോസ്റ്റ് മാസ്റ്റർ ജനറൽ വേണ്ട നടപടി സ്വീകരിച്ചിട്ടില്ലെന്നാണ് ആക്ഷേപം
രണ്ട്-മൂന്ന് മാസങ്ങളായി പാർസർ വിതരണം തടസപ്പെട്ടിരിക്കുകയാണ്. ടെൻണ്ടർ വിളിക്കാനുള്ള കാലതാമസം എന്താണെന്ന് ഇതുവരെ അധികൃതർ വ്യക്തമാക്കിയിട്ടില്ല. ഇതോടെ പാർസൽ കാത്തിരിക്കുന്നവർ പ്രതിസന്ധിയിലായിരിക്കുകയാണ്.