ടെസ്റ്റ് അരങ്ങേറ്റം ഇന്ത്യക്കെതിരെ, ആദ്യ വിക്കറ്റ് കോഹ്‌ലിയുടേത്, കന്നി സെഞ്ച്വറിയും ഇന്ത്യക്കെതിരെ; ആരാണ് സെനുരൻ മുത്തുസാമി?

2019 ഒക്ടോബറിലാണ് ദക്ഷിണാഫ്രിക്കൻ ടെസ്റ്റ് ടീമിന് വേണ്ടി അദ്ദേഹം അന്താരാഷ്ട്ര ക്രിക്കറ്റിൽ അരങ്ങേറ്റം കുറിച്ചത്.
ടെസ്റ്റ് അരങ്ങേറ്റം ഇന്ത്യക്കെതിരെ, ആദ്യ വിക്കറ്റ് കോഹ്‌ലിയുടേത്, കന്നി സെഞ്ച്വറിയും ഇന്ത്യക്കെതിരെ; ആരാണ് സെനുരൻ മുത്തുസാമി?
Published on
Updated on

ഗുവാഹത്തി: ഇതാദ്യമായാണ് ഗുവാഹത്തിയിലുള്ള ബർസാപര സ്റ്റേഡിയത്തിൽ ഒരു അന്താരാഷ്ട്ര ടെസ്റ്റ് മാച്ച് നടക്കുന്നത്. ഈ ഗ്രൗണ്ടിൽ പിറക്കുന്ന ആദ്യ അന്താരാഷ്ട്ര സെഞ്ച്വറിക്ക് ഉടമയായത് ദക്ഷിണാഫ്രിക്കയുടെ സെനുരൻ മുത്തുസാമിയാണ്. 2019 ഒക്ടോബറിലാണ് ദക്ഷിണാഫ്രിക്കൻ ടെസ്റ്റ് ടീമിന് വേണ്ടി അദ്ദേഹം അന്താരാഷ്ട്ര ക്രിക്കറ്റിൽ അരങ്ങേറ്റം കുറിച്ചത്. അന്ന് വിരാട് കോഹ്‌ലി നയിച്ച ഇന്ത്യൻ ടീമിനെയാണ് ഈ ഡർബൻകാരൻ ആദ്യം നേരിട്ടത്. സെനുരൻ മുത്തുസാമിയുടെ കൂടുതൽ വിശേഷങ്ങൾ അറിയാം..

സെനുരൻ മുത്തുസാമി ഇന്ത്യൻ വംശജനാണോ?

അല്ല, 1994 ഫെബ്രുവരി 22ന് ദക്ഷിണാഫ്രിക്കയിലെ ഡർബനിൽ ഇന്ത്യൻ വംശജരായ മാതാപിതാക്കളുടെ മകനായാണ് സെനുരൻ മുത്തുസാമി ജനിച്ചത്. പേര് കേൾക്കുമ്പോൾ സംശയം തോന്നുന്നത് പോലെ അദ്ദേഹത്തിന് ഇന്ത്യയുമായി അടുത്ത ബന്ധമുണ്ട്. സെനുരൻ മുത്തുസാമിയുടെ കുടുംബാംഗങ്ങൾ ഇപ്പോഴും തമിഴ്‌നാട്ടിലെ നാഗപട്ടണത്താണ് താമസിക്കുന്നത്.

ടെസ്റ്റ് അരങ്ങേറ്റം ഇന്ത്യക്കെതിരെ, ആദ്യ വിക്കറ്റ് കോഹ്‌ലിയുടേത്, കന്നി സെഞ്ച്വറിയും ഇന്ത്യക്കെതിരെ; ആരാണ് സെനുരൻ മുത്തുസാമി?
വെറും രണ്ട് ദിവസം കൊണ്ട് തീർന്ന ആഷസ് മത്സരങ്ങളുടെ മുൻകാല ചരിത്രം അറിയാം!

സെനുരൻ്റെ ലഘു ജീവചരിത്രം

ദക്ഷിണാഫ്രിക്കയിലെ ക്ലിഫ്റ്റൺ കോളേജിൽ പഠിച്ച മുത്തുസാമി, പിന്നീട് ക്വാസുലു-നടാൽ സർവകലാശാലയിൽ നിന്ന് സോഷ്യൽ സയൻസിൽ ബിരുദം നേടി. പിന്നീട് മീഡിയയിലും മാർക്കറ്റിംഗിലും വൈദഗ്ധ്യം നേടി. ഡർബനിൽ വച്ചാണ് അദ്ദേഹത്തിൻ്റെ ക്രിക്കറ്റ് യാത്ര ആരംഭിച്ചത്. അവിടെ അദ്ദേഹം സ്കൂൾ മത്സരങ്ങളിലും പ്രാദേശിക ടൂർണമെൻ്റുകളിലും വേറിട്ട പ്രകടനവുമായി തിളങ്ങിനിന്നു.

അണ്ടർ 11 മുതൽ അണ്ടർ 19 തലം വരെ അദ്ദേഹം ക്വാസുലു-നടാലിനെ പ്രതിനിധീകരിച്ചു. തുടക്കത്തിൽ താനൊരു ക്രിക്കറ്റ് കളിക്കാരനാകുമെന്ന് അദ്ദേഹത്തിന് വിശ്വസമില്ലായിരുന്നു. എങ്കിലും അദ്ദേഹത്തിൻ്റെ സ്ഥിരതയാർന്ന പ്രകടനങ്ങളുടെ മികവിൽ ഒടുവിൽ ദക്ഷിണാഫ്രിക്കയുടെ അണ്ടർ 19 ടീമിൽ ഇടം സമ്മാനിച്ചു. 2015-16 സീസണിൽ ഡോൾഫിൻസ് ക്ലബ്ബിൽ ഒരു ടോപ്പ് ഓർഡർ ബാറ്ററായി കരാറിൽ ഒപ്പുവച്ചു.

2017 ജനുവരിയിൽ നൈറ്റ്‌സിനെതിരെ കരിയറിലെ ഏറ്റവും മികച്ച 181 റൺസ് നേടിയെങ്കിലും, ബാറ്റർ എന്ന രീതിയിലുള്ള റോൾ അധികനാൾ നീണ്ടുനിന്നില്ല. പിന്നീടുള്ള കുറച്ചുകാലം ബാറ്റിങ്ങിൽ ശ്രദ്ധ കുറയുകയും സ്പിൻ ബൗളിങ്ങിൽ കൂടുതലായി ശ്രദ്ധിക്കുകയും ചെയ്തു. അതോടെ ബൗളിങ്ങിലും അദ്ദേഹം കൂടുതൽ മികവ് കാട്ടി. ആ മാറ്റം മുത്തുസാമിയെ ഒരു യഥാർത്ഥ ഓൾറൗണ്ടറായി സ്വയം പുനർനിർമിക്കാൻ പ്രേരിപ്പിച്ചെന്ന് സെനുരനൊപ്പം കളിച്ചിരുന്ന സഹതാരമായ ഇമ്രാൻ ഖാൻ പറയുന്നു.

ടെസ്റ്റ് അരങ്ങേറ്റം ഇന്ത്യക്കെതിരെ, ആദ്യ വിക്കറ്റ് കോഹ്‌ലിയുടേത്, കന്നി സെഞ്ച്വറിയും ഇന്ത്യക്കെതിരെ; ആരാണ് സെനുരൻ മുത്തുസാമി?
ഇന്ത്യക്ക് മുന്നിൽ റൺമല, ഒന്നാമിന്നിങ്സിൽ 489 റൺസിൽ ഓൾ ഔട്ടായി ദക്ഷിണാഫ്രിക്ക

കോഹ്‌ലിയുടെ റിട്ടേൺ ക്യാച്ചും കന്നി വിക്കറ്റും!

2019ലെ ദക്ഷിണാഫ്രിക്കയുടെ ഇന്ത്യൻ പര്യടനത്തിനുള്ള ടെസ്റ്റ് ടീമിലേക്ക് സെനുരൻ മുത്തുസാമി തെരഞ്ഞെടുക്കപ്പെട്ടു. വിശാഖപട്ടണത്ത് ദക്ഷിണാഫ്രിക്കയ്ക്ക് വേണ്ടി ടെസ്റ്റ് ക്രിക്കറ്റിൽ അരങ്ങേറ്റവും കുറിച്ചു. അന്ന് ഇന്ത്യൻ ക്യാപ്റ്റനായിരുന്ന വിരാട് കോഹ്‌ലിയെ സ്വന്തം പന്തിൽ ക്യാച്ചെടുത്ത് പുറത്താക്കിയാണ് ആദ്യ ടെസ്റ്റ് വിക്കറ്റ് നേടിയത്.

നിലവിലെ സാഹചര്യത്തിൽ ദക്ഷിണാഫ്രിക്കയുടെ സ്പിൻ ബൗളിംഗിലെ ആഴവും, കേശവ് മഹാരാജിൻ്റെ മികവും കണക്കിലെടുക്കുമ്പോൾ ടീമിൽ തുടർച്ചയായി അവസരം കിട്ടുക എന്നത് വെല്ലുവിളിയേറിയ കാര്യമാണ്. എന്നാലും നല്ലൊരു ഓൾറൗണ്ടർ ആണെന്നതും, ഇന്ത്യൻ പിച്ചുകളിൽ നന്നായി ബാറ്റ് ചെയ്യാനായതും, താരത്തിന് ടീമിൽ കൂടുതൽ പരിഗണന ലഭിക്കാൻ ഇടയാക്കും.

ബർസാപരയിലെ കന്നി ടെസ്റ്റ് മാച്ചിൽ കന്നി സെഞ്ച്വറി!

ഗുവാഹത്തിയിൽ നടക്കുന്ന രണ്ടാം ക്രിക്കറ്റ് ടെസ്റ്റിൽ പേരുകേട്ട ഇന്ത്യൻ ബൗളർമാരെ നേരിട്ട്, 206 പന്തുകളിൽ നിന്നാണ് സെനുരൻ മുത്തുസാമി 109 റൺസെടുത്തത്. കരിയറിലെ ആദ്യ ടെസ്റ്റ് സെഞ്ച്വറിയാണ് താരം നേടിയത്. ഗുവാഹത്തിയിലെ ബർസാപര ഗ്രൗണ്ടിൽ നടക്കുന്ന ആദ്യ ടെസ്റ്റ് മാച്ചാണ് ഇന്ത്യ-ദക്ഷിണാഫ്രിക്ക രണ്ടാം ടെസ്റ്റ്. ഈ ഗ്രൗണ്ടിലെ കന്നി സെഞ്ച്വറി കൂടിയാണ് സെനുരൻ മുത്തുസാമിയുടേത്.

ടെസ്റ്റ് അരങ്ങേറ്റം ഇന്ത്യക്കെതിരെ, ആദ്യ വിക്കറ്റ് കോഹ്‌ലിയുടേത്, കന്നി സെഞ്ച്വറിയും ഇന്ത്യക്കെതിരെ; ആരാണ് സെനുരൻ മുത്തുസാമി?
ഇതാണോ ആഷസ്? ഇതാണോ ടെസ്റ്റ് ക്രിക്കറ്റ്? രണ്ട് ദിനം കൊണ്ട് പെർത്തിൽ ഇംഗ്ലണ്ടിൻ്റെ കണ്ണീർ വീഴ്ത്തി കംഗാരുപ്പട

Related Stories

No stories found.
News Malayalam 24x7
newsmalayalam.com